Pekino - gastiganta urbo

Kiel ĉefurbo de Ĉinio, Pekino estas la centro de politiko, kulturo, trafiko, turismo kaj internacia interŝanĝo. Oni povas percepti ne nur sublimecon de imperiestraj palacoj sed ankaŭ vivplenecon kaj modernecon de la metropolo. Pro gastigo de la Pekinaj Olimpikoj, Pekino montros sian ĉarmon al la tuta mondo.

Qingdao por velado

Qingdao estas ĉemara urbo kaj unu el la plej frue malfermitaj ĉemaraj urboj en Ĉinio. Ĝi prestiĝas pro belaj pejzaĝoj kaj agrabla klimato. La marbordo de Qingdao longas je 870 kilometroj, tio liveras bonan cirkonstancon por velado.

Hongkong por ĉevala vetkuro

Hongkong estas mondfama moderna urbego kun naturdotita beleco kaj artaj belaĵoj, kaj ankaŭ internacia financa metropolo kun libera komerca haveno. Pro ĝenerala ŝato de la urbanoj al vetkuro de ĉevaloj, Hongkong havas unuaklasan hipodromon.

Tianjin por futbalo

Tianjin, unu el la kvar municipoj sub la centra registaro de Ĉinio, estas internacia haveno kaj plej granda ekonomia kaj komerca centro en norda Ĉinio. Ĝi abundas je diversaj produktaĵoj, kolorriĉa kulturo kaj restaĵoj de moderna historio. Pro tio ĝi estas ankaŭ turisma urbo.

Ŝanhajo por futbalo

Ŝanhajo, plej granda ekonomia centro kaj mondfama haveno de Ĉinio, ludas gravan rolon en la ekonomia disvolviĝo de Ĉinio. Kun ekzota kaj origina fizionomio de la urbo, ĝi allogas en- kaj eksterlandajn turistojn per sia kulturo kaj historio.

Shenyang por futbalo

Shenyang estas unu el la grandaj urboj kaj gravaj industriaj bazoj de Ĉinio kaj ankaŭ centro ekonomia, kultura, teknologia, komerca, financa kaj trafika de nordorienta Ĉinio. Ĝi havas plej grandan civilan flughavenon en nordorienta Ĉinio. La urbanoj arde amas futbalon.

Qinhuangdao por futbalo

Qinhuangdao estas fama komerca havenurbo de Ĉinio. Ĝi havas nefrostiĝan havenon unikan en norda Ĉinio kaj komercas kun pli ol 100 landoj kaj regionoj. La urbo estas tre fama somerumejo riĉa je lokaj produktaĵoj kaj belaj vidindaĵoj, kaj kun agrabla klimato.