En la rubriko Konstruado de Sportejoj de TTT-ejo de la Pekinaj Olimpikoj estas mapo signanta situon de la sportejoj por la Pekinaj Olimpikoj. Nun tiuj sportejoj fariĝis novaj vidindaĵoj de Pekino.

Okaze de 500 tagoj antaŭ la Pekinaj Olimpikoj la Organiza Komitato de la Pekinaj Olimpikoj organizis raportistojn por viziti sportejojn por la Pekinaj Olimpikoj. En Pekino estas 31 sportejoj. 11 el ili estas novaj kaj la aliaj estas rekonstruitaj. La sportejoj kun sia propra stilo inkluzivas “birdkaĝon”, “Akvan Kubon”, Ŝtatan Sporthalon de Ĉinio en formo de ventumilo, Sporthalon de la Pekina Politekniko por matĉoj de ĵudo kaj taekuondo, Sporthalon de Pekina Industria Universitato por konkursoj de volano, Biciklan Sporthalon, Boatoparkejon en formo de ondo en Akvosporta Centro en Shunyi-distrikto.

Tiuj sportaj konstruaĵoj enkorpigas tri ideojn de la Pekinaj Olimpikoj - "verdaj Olimpikoj", "altateknologiaj Olimpikoj" kaj "humanismaj Olimpikoj". Ni prezentos al vi kelkajn el ili.