Intervjuate de raportistoj, Liu Peng, reprezentanto de la 17-a Tutlanda Kongreso de la Komunista Partio de Ĉinio (KPĈ) kaj estro de la Ŝtata Sporta Administracio de Ĉinio, diris: "Oni jam sufiĉe sin preparis por porti la torĉon de Olimpikoj sur la montpinton Ĉomolangma." Li diris, ke tio estas solena promeso de Ĉinio farita en 2001 al la tuta mondo, kiam ĝi invitis la Olimpikojn.

Liu Peng diris, ke ĉinaj sportistoj havas superecon en montogrimpado. Jam pli ol 40 jaroj pasis post kiam ĉino unuafoje surgrimpis montpinton Ĉomolangma. Dum tiam multaj gesportistoj surgrimpis ĝin kaj multaj sportistoj eĉ multfoje tion faris. Antaŭ nelonge, la Tibeta Teamo de Montogrimpado de Ĉinio surgrimpis 14 montpintojn kun alteco de pli ol 8000 metroj super la marnivelo, do, ne estas problemo, ke la ĉina montogrimpa teamo surgrimpos montpinton Ĉomolangma en 2008. Krome, ni jam solvis teknologiajn problemojn por ke la torĉo povu elteni malaltan temperaturon, maldensan aeron, malaltan aerpremon kaj ventegon, kaj ni jam akiris sukcesojn en teknologio por televida transsendo en malbonegaj kondiĉoj.