La 25-27-an de oktobro la Sepa Monda Konferenco de Sporto kaj Medio okazis en Pekino. La mediprotektaj organizoj kaj sportaj organizoj venis en akordon pri daŭrigebla disvolvo kaj deziras fortigi tion per kunlaboro.

La akordo estis aprobita post kiam la Verdpaco Internacia kaj la Monda Fonduso por Naturo proponis tion. Ĉiuj neregistaraj organizoj starigis laborrilatojn kun la Organiza Komitato de la Pekinaj Olimpikoj por la celo de "verdaj olimpikoj".

Respondeculo de la Ĉina Verdpaco indikis, ke por sukcese okazigi la Olimpikojn, la Ĉina Verdpaco elmetis solvojn por la Olimpikoj. La Verdpaco Internacia kunlaboris kun Kokakolao, ke Kokakolao instalos 6,000 fridigilojn faritajn el amikaj materialoj kaj 350 aŭtomatojn, kaj 21.8 mil aŭtojn ĉesos veturi en Pekino dum la Olimpikoj. Li konigis, ke la sukcesa kunlaboro de sponsoroj, neregistaraj organizoj kaj la olimpika komitato lasos valoran riĉaĵon al Pekino post la Olimpikoj.

Partopreno de popolanoj en mediprotektado estas fokuso de la neregistaraj organizoj: Sproni pekinanojn partopreni en la agado de senaŭta tago; lernigi ilin kiel redukti ruban poluaĵon kaj ŝpari akvon; disvastigi mediprotektan metodon en lernejoj aŭ fari prelegojn por lernantoj.

La Verdpaco Internacia kaj la Monda Fonduso de Naturo kunlaboris kun pasintaj olimpikaj komitatoj kaj ekatentas la mediprotektan projekton post 2008.