Cai Mingzhao akceptas la premion en la nomo de ĈIEP.

La 10-an de aǔgusto la Militpaǔza Fonduso de Usono donis en Pekino la premion Malfermi Kampon al la Ĉina Internacia Eldona Grupo (ĈIEG) kaj Yale-Universitato pro ilia kontribuo al la projekto "Kulturo kaj Civilizacio de Ĉinio".

Ĉeestis la premio-donan ceremonion Cai Mingzhao, prezidanto de ĈIEG, Huang Youyi, vicprezidanto de ĈIEG, kaj Richard Levin, rektoro de Yale-Universitato.

La ceremonion ĉeestis ankaǔ 125 personoj, inkluzive de altaj oficistoj de IOK kaj tiuj de la Usona Olimpika Komitato, kaj reprezentantoj de sportistoj.

Cai Mingzhao (maldekstre) kaj Juan Antonio Samaranch, eksprezidanto de IOK

La fonduso komentis, ke ĈIEG kaj Yale-Universitato, venkinte obstaklojn kulturan, komercan, politikan, lingvan kaj aliajn, faris grandan kontribuon por konigi la ĉinan kulturon al la mondo, intensigi interŝanĝojn, interkomprenon kaj konfidon inter la du landoj. Tio estas esenco de la Olimpika militpaǔzo. La premio-dona ceremonio okazinta dum la Pekinaj Olimpikoj havas specialan signifon.

Olimpika militpaŭzo estas paca movado iniciatita de IOK surbaze de la sankta militpaŭzo en la antikva Grekio. En la daŭro de la Olimpikoj en la antikva Grekio por garantii sekurecon de la sportistoj kaj spektantoj ĉiuj militantoj kaj kontraŭstarantoj devis ĉesigi batalon por ke la sportistoj plenenergie partoprenu la konkurson. Tiuj moroj estis observitaj pli ol 1000 jarojn. En 1993 la Ĝenerala Asembleo de UN alvokis siajn membrolandojn observi la interkonsenton pri la Olimpika militpaǔzo.

Huang Youyi prezentas librojn eldonitajn de ĈIEG kaj Yale-Universitato.

La projekto, komenciĝinte de 1990, estas la plej granda eldona kunlaboro inter Ĉinio kaj Usono kaj multe atentata de gvidantoj de la du registaroj. Jam eldoniĝis Antikvaj konstruaĵoj de Ĉinio, Ĉinaj Skulptaĵoj kaj Ĉina Kaligrafio k.a. Iuj verkaĵoj estis ŝtataj donacoj de ĉinaj gvidantoj al Usono, kaj akiris libro-premiojn en la du landoj.