Posttagmeze de la 17-a de aŭgusto, en la fusila pafado 50-metra en stara, genua kaj kuŝa pozicioj, fama usona sportisto Matthew Emmons gajnis 4.4 punktojn en la lasta pafado kaj "donacis" la ĉampionecon al ĉina sportisto Qiu Jian. Multaj spektantoj nature rememoris la similan scenon en la Atenaj Olimpikoj antaŭ 4 jaroj. Tiam Matthew Emmons maltrafis la celtabulon en la lasta pafado, kaj "donacis" la ĉampionecon al ĉina sportisto Jia Zhanbo.

Oni publikigis la rezulton post la konkurso: ĉina sportisto Qiu Jian gajnis la ĉampionecon kaj Matthew Emmons okupis nur la kvaran lokon. Ĉiuj sportistoj konsolis kaj brakumis Matthew Emmons. Tiam sur la vizaĝo de Matthew Emmons legeblis granda bedaŭro. Sed li iom sin kvietigis kaj grandanime gratulis Qiu Jian pro ties ĉampioniĝo. Jen la spirito de sporto!

Matthew Emmons iris al sia edzino kaj silente brakumis ŝin. La edzino konsolis lin kaj ameme forviŝis larmojn de sur lia vizaĝo.