La 25-an de aŭgusto Ban Ki-moon, ĝenerala sekretario de UN, faris deklaron por esprimi sian gratulon al la ĉinaj registaro kaj popolo pro la sukceso de la Pekinaj Olimpikoj.

En la deklaro Ban Ki-moon diris, ke la ĉinaj registaro kaj popolo faris senprecedencan klopodon por okazigi la Pekinajn Olimpikojn kaj akiris senprecedencan sukceson, kaj pro tio li gratulas la ĉinajn registaron kaj popolon.

Ban Ki-moon diris, ke la Pekinaj Olimpikoj estas interesega kunveno, kie gesportistoj kaj popolanoj el diversaj landoj kaj regionoj de la mondo kune ĝuis la spiriton de la Olimpikoj, kunlaboron kaj amikecon, tial Ĉinio devas esti fiera pro la sukcesa okazigo de la grandioza kunveno.

Li diris ankaŭ, ke la someraj Olimpikoj de 2008 plioftigis dialogojn de la internacia socio, profundigis reciprokan komprenon kaj liveris gravan ŝancon por akceli pacon kaj harmonion de la mondo.