Antaŭ kelkaj tagoj en la centro
de la Olimpika Parko de Pekino estis senvualigita la statuo
sur la volontula placo de la Pekinaj Olimpikoj kaj Pekinaj
Handikapulaj Olimpikoj. La ceremonion ĉeestis ĉ. du mil
reprezentantoj de la diversspecaj volontuloj kaj aklamantaj
teamoj.
En la ceremonio Liu Qi, prezidanto
de la Organiza Komitato de la Pekinaj Olimpikoj, kaj Lu
Hao, la unua sekretario de la Centra Komitato de la Komunista
Junulara Ligo de Ĉinio, kaj reprezentantoj de eminentaj
volontuloj kune senvualigis la statuon. La Volontula Placo
meze de la Olimpika Parko estas memora loko de la 29-aj
Olimpikoj kaj la Pekinaj Handikapulaj Olimpikoj en 2008,
dum la ĉeftema skulptaĵo de la volontuloj estas simbola
konstruo de la placo, destinita por certigi kaj kuraĝigi
la kontribuojn de la volontuloj por la Olimpikoj kaj Handikapulaj
Olimpikoj, cele disvolvi la volontulan spiriton en la socio,
utile al la daŭra disvolviĝo de la volontulaj aferoj.
Liu diris, ke dum la du Olimpikoj
1.7 milionoj da volontuloj brile plenumis siajn devojn sub
la arda suno kaj en alta temperaturo. Iliaj silenta laboro,
sincera rideto, varma kaj profesia servo ricevis altan takson
de la internacia socio.
Liu elmetis esperon kaj postulon
pri la venonta volontula servo. Li diris, ke grandskalaj
volontulaj agadoj estas grava simbolo de sociaj progreso,
civilizacio kaj harmonio. Li emfazis, ke oni devas resumi
spertojn, disvolvi la atingojn kaj fari la volontulan servon
pli bone.