|
La Sporthalo de la Pekina Politeknika
Universitato
 La
Sporthalo de la Pekina Politeknika Universitato troviĝas en
la korto de la Pekina Politeknika Universitato. Kun plankareo
de pli ol 22 mil kvadrataj metroj kaj 7500 sidlokoj ĝi estas
destinita por konkursoj de volano kaj arta gimnastiko. Post
la Olimpikoj ĝi funkcios kiel amuza kaj sporta centro de la
universitato kaj trejna bazo de la volana teamo de la Ŝtata
Sporta Administracio de Ĉinio. Ĝi malfermiĝos ankaŭ al la
publiko.
La Sporthalo de la Pekina Universitato
 La
Sporthalo de la Pekina Universitato situas en la korto de
la Pekina Universitato. Kun longeco de 47 metroj kaj larĝeco
de 39.5 metroj ĝi estas la plej malgranda sporthalo el tiuj
de la Pekinaj Olimpikoj. Ĝi povas enteni 6000 spektantojn
kaj 8 tablotenisajn tablojn.
Ĝi estas sporthalo konstruita speciale por konkursoj
de tabloteniso. Post la Olimpikoj ĝi servos kiel loko por
matĉoj de tabloteniso, manpilko, korbopilko, volano kaj flugpilko.
Ĝi povos esti uzata ankaŭ por trejnado de fakaj sportistoj,
kursoj de fizika sporto, kunvenoj kaj arta prezentado.
La Pekina Pafhalo
La Pekina Pafhalo por pafkonkursoj de fusilo kaj
pistolo sidas en Shijingshan-distrikto, Pekino. Ĝi estas sporthalo
nove konstruita por la Pekinaj Olimpikoj. Kun plankareo de
pli ol 45 mil kvadrataj metroj ĝi havas 2300 fiksajn sidlokojn
kaj 6700 portempajn.
 Rigardate
de malproksime ĝi similas al giganta pafarko. La pafhalo,
en kiu estas neniu kolono, bone enkorpigis la ideon pri “altteknologiaj
Olimpikoj” kaj “humanismaj Olimpikoj”.
La Konkursejo por Triatlono
La
Konkursejo por Triatlono estas ĉe la Akvokonservejo de la
Dek Tri Maŭzoleoj en Changping-distrikto, 40 kilometrojn for
de urbcentro de Pekino. Dum la matĉoj la konkursantoj devas
unue naĝi 1500 metrojn en la akvokonservejo, poste bicikli
40 kilometrojn laŭ la vojo ĉirkaŭ la akvokonservejo kaj fine
kuri 10 kilometrojn.
 La
konkursejo povas enteni 10 mil spektantojn, kiuj povas ĝui
ne nur konkurson, sed ankaŭ panoramon de la akvokonservejo.
| 
