Liu Zige:
leganto de klasikaj verkoj
La 14-an de aǔgusto, en la konkurso de la virina
200-metra papilia naĝo ĉina sportistino Liu Zige akiris ĉampionecon
per 2 minutoj kaj 4.18 sekundoj, kaj per tio kreis novan mondan
rekordon.
"Estas neimageble, ke la 19-jara Liu ne
havas poŝtelefonon nek tekkomputilon. Ŝi atentas nur pri plirapidigo
de sia naĝo," diris Qin Bin, estro de la naĝista teamo.
Pli surprize estas, ke ŝi sin distras per legado
de klasikaj verkoj, kiaj Analekto de Konfuceo kaj Klasikaĵo
de Taǔo kaj Virto. Liu diris, ke legado de tiuj verkoj povas
ŝin kvietigi.
Kiel aliaj knabinoj, kiuj adoras stelojn, sur la muro de ŝia
ĉambro pendas multaj fotoj de usona sportisto Michael Phelps.
Ŝi ofte sin kuraĝigas per rekordoj de Phelps.
Yin Jian: cele al nova rekordo
La
20-an de aǔgusto la 30-jara Yin Jian fariĝis ĉampionino per
supereco je unu poento en la virina veltabulado kaj kreis
novan historion de la veltabulado de Ĉinio.
En la Atenaj Olimpikoj Yin gajnis arĝentan medalon
tiuevente. "Mi persistas ĝis hodiaǔ ĝuste por la rekordo,"
diris Yin post konkurso.
Yin naskiĝis kaj kreskis ĉe lago, tamen antaǔ
aliĝo al la provinca teamo ŝi neniam vidis maron. Dum fiŝo-kaptado
kune kun la patro, ŝi vidis veltabuladon kaj estis fascinita
de tiu ĉi sporto. "Ni sendis ŝin al akva lernejo por
fortigi ŝian korpon. Ni ne volis, ke ŝi faru fiŝkaptadon dum
la tuta vivo kiel ni..." La patrino de Yin ne anticipis,
ke la filino fine fariĝis mondkonata "fiŝkaptistino".
|