Plej aflikta momento

La 19-an de aŭgusto en la premio-dona ceremonio de la 105-kilograma vira halterlevado 26-jara germana gajninto de la ĉampioneco Matthias Steiner alte levis la foton de sia mortinta edzino por memorigi ŝin per la ora medalo de la Olimpikoj.

En julio de la pasinta jaro la edzino de Steiner mortis pro trafika akcidento. De tiam li ĉiam portas kun si la foton de sia edzino, kaj la peniga trejnado fariĝis lia ununura rimedo por mildigi malĝojon kaj sopiron. Gajninte la oran medalon Steiner diris: "Mia tuta espero estas, ke mia edzino vidu mian sukceson. Mi ne estas superstiĉa, sed certa, ke mia edzino rigardas min, ŝi estas en mia koro kaj donas al mi kuraĝon kaj forton. Mia sukceso estas donaco al mia edzino."

Plej emocia momento

Nur 10 tagojn antaŭ la Pekinaj Olimpikoj la delegacio de Irako gajnis kvalifikon por partopreni en la Pekinaj Olimpikoj. Kvankam la sportistoj de kanuado sin vestis en malnovaj T-ĉemizoj, kaj sportistino Dana Hussein en malnovaj ŝuoj, ili brave konkursis, montrante la spiriton de Olimpikoj.

En la inaŭguro de la Pekinaj Olimpikoj, kiam la delegacio de Irako aperis en la Nacia Stadiono, ĉinaj spektantoj bonvenigis ilin per varma aplaŭdado. Informiĝinte pri ilia malfacilo, ĉinaj retumantoj aĉetis speciale por ili ŝuojn, vestojn, talismanojn de la Pekinaj Olimpikoj kaj aliajn kun ĉinaj karakterizaĵoj. "Kvankam ni estas malproksime de nia hejmloko, tamen ni sentis varmon en Ĉinio. Se vi havas ŝancon, vizitu Bagdadon, por ke ni povu rekompenci vin!" tion diris trejnisto de la iraka delegacio.

Plej firma momento

Ŝi nomiĝas Natalia Partyka, knabino denaske kripla je dekstra brako. Ŝi estas nomita pollanda "Venuso", naskito por tabloteniso.

En la 13-a de aŭgusto, reprezentante pollandan tablotenisan teamon, ŝi konkursis kun sportistino el Hongkong de Ĉinio. Kvankam ŝi malvenkis la rivalon per malgrandaj poentoj, tamen tiu ĉi unubraka sportistino gajnis respekton kaj varman aplaŭdadon de ĉiuj spektantoj.

Same firma kiel ŝi estas naĝistino Natalie Du Toit el Sud-Afriko, kiu perdis sian maldekstran kruron. Ŝi 24-jara estas unu el la 25 naĝistinoj gajnintaj kvalifikon por la 10-kilometra virina maratona naĝado de la Pekinaj Olimpikoj kaj gajnis la 16-an lokon en la konkurso.

Plej ĝojiga momento

"Unu ora medalo de la Monda Ĉampioneca Konkurso valoras 3 mil eŭrojn, kaj mi partoprenas konkursojn kiel eble plej multe por gajni pli multe da mono." 33-jara Oksana Chusovitina "batalis" sur la konkursejo de gimnastiko por sia malsana filo.

En 2002 pliaĝa filo de Chusovitina malsaniĝis je leŭkemio. Pro alta pago por kuracado 26-jara Chusovitina revenis al la konkursejo de gimnastiko kaj klopodis por fariĝi kompleta sportistino. Por havigi al si kiel eble plej multajn ŝancojn gajnantajn monpremion, ŝi ĉiam partoprenis konkursojn kiel eble plej multe kaj sin anoncis por ĉiuj 4 disciplinoj de la gimnastiko.

La Pekinaj Olimpikoj estas la kvinaj Olimpikoj, kiujn ŝi partoprenis. Ŝi gajnis arĝentan medalon en ĉevalado. Ĝojiga estas ankaŭ tio, ke la malsano de ŝia filo multe mildiĝas.

La 21-an de aŭgusto fama ĉina gimnastika ekssportisto Li Ning en la nomo de la Fondaĵo Li Ning donacis 20 mil eŭrojn al Chusovitina por kuracado de ŝia filo.