Iraka sportistino Dana Hussein Abdul-Razzaq estis eliminita en la unua raǔndo de 100-metra vet-kurado en la Pekinaj Olimpikoj je la rezulto de 12.36 sekundoj. Ŝia apero en la Pekinaj Olimpikoj estis momenta, tamen nin kortuŝis rakonto pri ŝia longa kaj peniga trejnado.

Dana komencis ekzerci sin per kurado ekde 2003. Sur milit-detruita trejnejo ŝi en malnovaj ŝuoj persistis en trejnado kaj ŝia plej granda revo estis partopreni en la Olimpikoj. Aliaj sportistoj sin preparis por la Olimpikoj per ŝvito, sed ŝi per la vivo. En novembro 2007, kiam Dana faris ekzercadon sur trejnejo, paf! kuglo flugis preter ŝi kaj trafis arbon apud ŝi. Antaǔ ol ŝi komprenis kio okazis, alian pafon ŝi aǔdis. Dana instinkte ĉesis kuri kaj kaǔriĝis. Ŝi sentis malvarman venton preterblovi sian piedon, estis alia kuglo! Dana svenis pro timo.

Proksimiĝis la Pekinaj Olimpikoj kaj de tio multe ĝojis Dana. Tamen en majo 2008 la iraka registaro deklaris malorganizi la antaǔan Irakan Olimpikan Komitaton. La Internacia Olimpika Komitato sekve senrajtigis la kvalifikon de irakaj sportistoj por la Pekinaj Olimpikoj. Informiĝinte pri tio, Dana profunde desapontiĝis. Ŝia trejnisto konsolis ŝin, ke post kvar jaroj ŝi povos partopreni la Londonajn Olimpikojn. Ŝi veis senpripense: "En tia stato de Irako, mi ne scias ĉu mi povos vivi ĝis 2012..."

La 29-an de julio IOK deklaris, ke Irako povos sendi delegacion al la Pekinaj Olimpikoj. Dana ploris pro la denove akirita ŝanco. En la 16-a de aǔgusto ŝi, portante siajn malnovajn ŝuojn aĉetitajn en Jordanio, staris sur la kurejo de la Pekinaj Olimpikoj.

Respondi al alvoko de la Pekinaj Olimpikoj kaj partopreni en paca kunveno de la homaro okazanta en ĉiu kvara jaro, Dana per sia agado eksplikis la Olimpikan spiriton harmonian kaj belan. En la 21-a de aǔgusto antaǔ ol forlasi Pekinon, Dana diris al raportisto: "Fakte, ne gravas, kioman lokon mi akiris dum la konkurso en la Olimpikoj. Estas triumfo, ke mi povis reprezenti Irakon kaj stari sur la kurejo de la Pekinaj Olimpikoj..."

Iraka sportistino Dana	Dana en la Vilaĝo de la Pekinaj Olimpikoj	Dana kun ĉina nodo, donaco de ĉina amiko
Dana kaj aliaj irakaj sportistoj en la Vilaĝo de la Pekinaj Olimpikoj	Dana adiaǔas ĉinajn amikojn.