Long Qingquan: Superu Halil Mutlu

La 10-an de aǔgusto Long Qingquan, ĉina halterlevisto, gajnis ĉampionecon en la finalo de la 56-kilograma vira halterlevado dum la Pekinaj Olimpikoj.

Menciinte sian senton post ĉampioniĝo, li diris: "Mi ne povas diri, ke tio estas tute ekster mia atendo, ĉar mi faris ĉion eblan por la ora medalo," poste li aldonis: "Mi ja faris mian penadon por ĝi."

Multaj opinias, ke Long gajnis la ĉampionecon, ĉar la turka "legenda figuro" Halil Mutlu ne partoprenis la konkurson. Pro tio li humure diris: "Mi bedaŭras, ke li ne venis. Kiam mi renkontos lin en la estonteco, mi certe superos lin!"

Chen Yanqing: Dankon al mia trejnisto

La 11-an de aǔgusto veterana ĉina sportistino Chen Yanqing gajnis la okan oran medalon por la ĉina delegacio en la 58-kilograma virina halterlevo. La atingo rompis la de ŝi mem kreitajn rekordojn de la dumana ekpuŝo kaj la totala poentaro de la Olimpikoj.

"En la pasinteco kiam mi renkontis malfacilojn, miaj superuloj konsolis min. Mi volas danki precipe mian trejniston Cao Xinming, kiu instruis min 18 jarojn. Kiam mi estis en malbona humoro, mi ofte elverŝis koleron sur lin," diris Chen post sia ĉampioniĝo.

Zhang Xiangxiang: mi doktoriĝos

La 11-an de aǔgusto en la finalo de la 62-kilograma vira halterlevo Zhang Xiangxiang gajnis oran medalon per la totala atingo (319 kg).

Akirinte magistrecon, Zhang fariĝis sportisto kun la plej alta universitata diplomo en la ĉina halterlevada teamo. Lia patrino estis rigora al li de lia infaneco. Ŝi diris: "Diplomo signifas scion. Skribaĵoj manifestas la verkinton. Estas malbele, se belulo aĉe skribas. Belaj skribaĵoj kaj flua angla lingvo estas pli bonaj." Kvankam ŝia postulo estas severa, tamen Zhang plenumis ŝian deziron kaj akiris magistrecon. Liaj gepatroj esperas, ke li daǔre studos por doktoriĝo kaj postdoktoriĝo.