En la lasta tagdeko de januaro, 1935, la Dua kaj Sesa Korpusoj de la Ĉina Laborista-Kamparana Ruĝa Armeo transpasis Chishui-riveron kaj eniris la regionon de Wumeng-monto.

Siatempe la regiono estis malriĉega kaj la natura kondiĉo estis tre malfacila. Vizaĝe al la persekutado kaj atakado de la Kuomintanga armeo, la Ruĝa Armeo sange batalis kaj fine eliris el la regiono de Wumeng-monto.

70 jaroj pasis. La Komunista Partio de Ĉinio jam fariĝis reganta partio de Ĉinio. La ĉina kompartio kaj la ĉina registaro ĉiam klopodas por elimini malriĉecon kaj feliĉigi la popolon de Wumeng-monto.

Nun, tute ŝanĝiĝis la aspekto de Wumeng-monto. Tiamaj kotaj vojoj fariĝis ebenaj kaj la popolo vivas feliĉe. Dongchuan-distrikto en profunda montaro fariĝis frekventata turisma loko pro sia magia "ruĝa tero".

Tie la tero riĉa je oksido de fero havas ruĝan koloro. La tero ne povas konservi akvon, do oni nur povas kulturi plantaĵojn kiuj povas elteni malvarmecon kaj trosekecon, ekzemple maizo, fagopiro, kolzo kaj sekalo. La lokanoj pene verdigis sterilajn montojn, fiksadis sablon kaj ordigis riverojn. En Dongchuan, por akiri pli bonan rikolton, la lokanoj praktikas novaladon. La novalplugitaj parceloj ruĝaj kaj kulturataj parceloj je sekalo aŭ tritiko formas bildon kun drasta kontrasto de koloroj. La vidaĵo altiras turistojn.