Dum 70 jaroj post finiĝo
de la Longa Marŝo de la Ruĝa Armeo, grandaj ŝanĝiĝoj okazis
en Ĉinio kaj ankaŭ en la lokoj, kiujn la Ruĝa Armeo trapasis
dum la Longa Marŝo. Tion eksplikas jenaj fotoj de samaj lokoj
en malsamaj tempoj.
1. La urbo Ruijin de Jiangxi-provinco,
startpunkto de la Longa Marŝo de la Ruĝa Armeo komencita la
10-an de oktobro, 1934. Post fondiĝo de la nova Ĉinio Ruijin
multe ŝanĝiĝis kaj fariĝis grava komerca urbo de Ĉinio.
2. Kunvenejo de Liping-kunveno en
Guizhou-provinco. En decembro de 1934 la Centra Komitato de
la Komunista Partio de Ĉinio okazigis la unuan gravan kunvenon
en Liping-gubernio de Guizhou dum la Longa Marŝo, kiu faris
preparadon por la kunveno okazonta en Zunyi. La kunvenejo de
Liping-kunveno estas renovigita.
3. Kunvenejo de Zunyi-kunveno en Guizhou-provinco.
La kunveno estas rigardata kiel grava turnopunkto dum la Longa
Marŝo kaj starigis la gvidantecon de Mao Zedong en la Ruĝa Armeo
kaj la centro de la kompartio.
4. Chishui-rivero fluas laŭ la limo
inter Guizhou kaj Sichuan. Dum la Longa Marŝo la Ruĝa Armeo
4-foje meandre transpasis la riveron por eviti atakon de malamikoj.
Jen la pramejo en la urbeto Tucheng de Zunyi, de kie la Ruĝa
Armeo transpasis la riveron por la unua fojo.
5. Ferĉena ponto Luding en Sichuan-provinco.
Antaŭ 70 jaroj ruĝ-armeanoj transpasis la torentan riveron Dadu
pere de la ferĉena ponto (maldekstre). Nun nova ponto apud la
ferĉena estas konstruita, sur kiu grandaj kamionoj povas veturi.
6. Jiajin-monto en Sichuan, la unua
neĝkovrita monto transpasita de la Ruĝa Armeo dum la Longa Marŝo
en junio 1935. Nun la monto estas fama turisma loko.
7. Sovaĝa marĉejo trapasita de la
Ruĝa Armeo dum la Longa Marŝo. Tie mortis multaj ruĝ-armeanoj.
Jen ĝia nova aspekto.
8. Pramejo Shigu en Yunnan, de kie
la Ruĝa Armeo transpasis la riveron Jinsha. Nun la loko estas
prospera urbeto.
9. La Ganzi-a Tibet-nacia Aŭtonoma
Subprovinco de Sichuan, kie renkontiĝis trupoj de la Ruĝa Armeo
julie de 1935. Nuntempe tie vivas membroj de pli ol 20 nacioj.
La subprovinco abundas je resursoj.
10. Wuqi-urbeto de Bao'an-gubernio
de Shaanxi. La 19-an de oktobro 1935 la Centra Komitato de la
Komunista Partio de Ĉinio kaj parto de la trupoj de la Ruĝa
Armeo atingis la urbeton. Tio markis finiĝon de la Longa Marŝo
de la ĉefaj trupoj de la Ruĝa Armeo.
11. La urbo Huining de Gansu. Tie
renkontiĝis ĉefaj trupoj de la Ruĝa Armeo kaj aliaj trupoj oktobre
de 1936. Tio markis plenan finiĝon de la Longa Marŝo de la Ruĝa
Armeo. Nun Huining estas moderna urbo kun ekonomio prospera.
|