En 1937, aŭdinte novaĵon ke la Ĉina Laborista-Kamparana Ruĝa Armeo triumfe atingis nordan Shaanxi, Agnes Smedley (1890-1950), usona ĵurnalistino, venis al la Soveta Regiono en norda Shaanxi por informiĝi pri la Komunista Partio de Ĉinio kaj ĝia Ruĝa Armeo. Marte Smedley atingis Yan'an kaj estis bonvenigata de la gvidantaj de la kompartio de Ĉinio kaj armeanoj. Ŝi intervjuis Mao Zedong, Zu De kaj aliajn gvidantojn kaj generalojn de la partio, kaj verkis la libron "Granda Vojo". En la libro estas ĉapitro "la Longa Marŝo", en kiu ŝi detale priskribas la heroan spiriton de la armo en la marŝo kaj batalon de Mao Zedong kaj Zhu De kontraŭ la separatisma agado de Zhang Guotao. Smedley entuziasme taksis la marŝon: "Faktoj, ciferoj kaj nomoj de sennombraj trapasitaj lokoj ne estas sufiĉaj por ekspliki la historian signifon de la Longa Marŝo, nek la malcedeman luktadon kontraŭ la naturo kaj la suferojn de la soldatoj." Ŝi opiniis, ke la Longa Marŝo estas ne sole epopeo en la revolucia milita historio. Kun memfido ŝi antaŭdiris, ke kvankam finiĝis la Longa Marŝo, la Ruĝa Armeo daŭrigas kreadon de historio.