La 1-an de julio estis oficiale lanĉita la Qinghai-Tibeta Fervojo, la plej alta fervojo en la mondo kaj ankaŭ la konstruado estis plej malfacila. La internacia ĵurnalismo tre atentas la vorkon. De la 1-a de julio, amaso da ĉinaj kaj alilandaj ĵurnalistoj veturis per la vagonaro al Tibeto por raporti pri la fervojo kaj vidaĵoj laŭ la linio. Ĉefaj internaciaj amaskomunikiloj komentariis la fervojon el diversaj anguloj.

La 1-an de julio Seattle Times de Usono raportis, ke Ĉinio malkovris la vualon de mirinda vorko en la mondo. La Qinghai-Tibeta Fervojo kun plej alta situo kaj tra plej komplikaj regionoj kaj plej longa tundrozono, veturigas ĉinajn pasaĝerojn al nova altitudo.

China Press de Usono en la 1-a de julio publikigis en la unua paĝo artikolon titolitan “Lanĉo de la Qinghai-Tibeta Fervojo sur la neĝkovrita altebenaĵo” senditan el Golmud, Qinghai-provinco de Ĉinio. Ĝi raportis, ke tio estas la plej longa altebenaĵa fervojo sur plej alta altitudo. En Ĉinio ĝi povas kompari kun la projekto de akvokonduko de suda al norda Ĉinio, vorko de akvorezervejo ĉe Tri Gorĝo de Yangzi-rivero kaj la flugo de homporta kosmonaŭtiko. La funkciado de la fervojo montras la diligentecon kaj kuraĝon de la ĉina popolo.

Associated Press de Usono raportis, ke Ĉinio prezentas inĝenieran miraklon al la tuta mondo — vagonaro kun alta teknologio veturas al Tibeto. La trajno povas stabile trairi tundron kaj sufiĉa oksigeno en la vagonoj garantias vojaĝantojn glate eniri en regionojn alte super marnivelo.

Washington Post kaj The New York Times citis novaĵojn el Agence France-Presse kaj Reuters, kaj aldonis siajn komentojn. Ili diris, ke la trajno transiranta neĝkovritajn lokojn estas fiero de ĉinoj pro la historia momento.

Krome, usonaj ĉefaj ĵurnaloj aplaŭdis, ke dum la konstruado de la fervojo Ĉinio enkondukis teknologion de kanada kompanio Bombardier, kaj oksigeno estas sufiĉe liverata en la vagonoj por vojaĝantoj sur altebenaĵo.

Brita Guardian Unlimited diris: “La fervojo simbolas la kuraĝon de la ĉina popolo. Samtempe ĝi estas ponto sur la monda tegmento interliganta Tibeton kun disvolviĝintaj regionoj en orienta Ĉinio, ke la paŝtistoj tenas esperon por la estonteco.”

Agence France-Presse raportis: “Ĉinio liveras malmultekostan trajnbileton por veturi al Lhasa. La malplejkosta bileto de Pekino al Lhasa estas ĉ. 46 dolaroj, dum la kosto de aviadil-bileto estas sepobla, tial ke pli da ordinaraj ĉinoj povas toleri la turisman koston al Tibeto. Kaj la fervojo gajnas pli kaj pli multajn aplaŭdojn de la mondo.”

La Vanguardia el Hispanio diris, ke la problemoj de tertremo, mediprotekto, migrado de sovaĝaj animaloj estis bone solvitaj, tial la fervojo estas vorko senprecedenta.

Brita Times informis, ke la fervojo sur la plej alta altitudo estas la plej ambicia vorko en la mondo.

La 3-an de julio, franca Nouvelles D’Europe komentis en sia ĉefartikolo, ke la fervojo montras al la mondo, ke ĝi estas ne nur fervojo malofta, sed ankaŭ “vojo” de moderna Ĉinio, disvolva vojo de Ĉinio. Alilandaj fakuloj dubis pri ebleco de la fervojo: Estas malfacilege konstrui fervojon en loko 5000 metrojn super marnivelo, kie mankas oksigeno kaj sterniĝas tundro de kelk-cent kilometroj. Tamen en 5 jaroj la ĉinoj finis la konstruadon. Oni konstruis “ĉielan vojon” sur la monda tegmento. Per la agado senprecedenca en la fervoja historio, la ĉinoj denove deklaris al la mondo, ke neebla afero en alia loko estas ebla en Ĉinio.

Reuters diris, ke la 1-an de julio Ĉinio ekspoziciis la plej novan projekton — la Qinghai-Tibeta Fervojo plej alta super marnivelo. La fervojo ligas Pekinon kun Lhasa, kaj la tuta vojaĝo bezonas malpli ol 48 horojn.

International Times, ĉinlingva ĵurnalo kun plej granda distribua kvanto en Indonezio, publikigis en la 3-a de julio komenton titolitan “Vojo al ĉielo — granda faro de la homaro”, ke la lanĉo de la Qinghai-Tibeta Fervojo estas granda faro de la homaro en venko super la naturo kaj kreo de ekstremo, kaj historia faro de la ĉina popolo en sia diligenta kaj senŝanceliĝa klopodado kaj sendependa kreado.

Rumania Libera raportis en sia artikolo en la 3-a de julio, ke la fervojo malfermas la kompare malprogresan okcidentan Ĉinion kaj helpas disvolvi la tieajn turismon kaj ekspluaton de riĉfontoj.

Kathmandu Post, Rising Nepal kaj Himalayan Times raportis pri la fervojo en siaj gravaj paĝoj.