Per la foto, en kiu policanoj savas hanon batatan, retejo de la germana ĵurnalo Berlina Matenĵurnalo malvere raportis, ke ĉinaj policanoj kaptas tibetanon.

Iuj okcidentanoj ĉiam ŝatas alivesti sin kiel gvidanton de homaj rajtoj. Ŝajnas al ili, ke oni devas observi ilian normon por juĝi pri respekto aŭ atenco al homaj rajtoj. Post la perforta evento de batado, detruado, rabado kaj bruligado en Lhasa, iuj okcidentanoj alivestis sin kiel gardiston de homaj rajtoj kaj kondamnis Ĉinion kiel antaŭe. Ili obstine asertis, ke la perforta evento estas “paca manifestacio” por “defendi homajn rajtojn”.

Ĉu tiuj okcidentanoj vere zorgas pri homaj rajtoj de Tibeto? Lastatempe konsciencaj raportistoj de Okcidento faris detalajn raportojn pri la perforta evento, kiun vidis kanadaj turistoj. La kanada ĵurnalo “Stelo de Toronto” raportis: 19-jara John Kenwood propraokule vidis kiel krimuloj atakis pasantojn. Li eĉ timas, ke iu juna motorbiciklanto estis batita ĝis morto. En la 19-a de marto la brita ĵurnalo “Tempo” publikigis artikolon kun la temo “Turistoj rakontas siajn surprizon kaj timon en tumulto en Tibeto”. La artikolo diras, ke la vizitantoj revenintaj de Tibeto estis surprizitaj kaj teruritaj de la tumulto, precipe kiam ili vidis, ke hurlantaj krimuloj atakas pasantojn per ŝtonoj.

Mi volas demandi, kiu lando povas rigardi tian perfortaĵon “paca manifestacio”? La perforta evento absolute ne povas fariĝi “paca manifestacio” malgraŭ trompo de iuj okcidentanoj.

Dum longa tempo, iuj okcidentanoj aspekte zorgas pri disvolvo kaj homaj rajtoj de Tibeto, sed efektive rigardas Tibeton kun granda antaŭjuĝo. Ili ne konas, eĉ ne volas koni la realon de Tibeto. La centra registaro konstruis en Tibeto lernejojn, hospitalojn kaj fervojon, kaj helpis la tibetan popolon disvolvi ekonomion. Ĉion ĉi ili vidis sed ne volis agnoski. Ili eĉ diris, ke Ĉinio damaĝis la kulturon kaj homajn rajtojn de Tibeto.

La lanĉo de la Qinghai-Tibeta Fervojo estas granda afero atentata de la tuta mondo. Fervojo ludis gravan rolon en la procezo de moderniĝo de Okcidento. Historia libro de Usono laŭdas, ke “fervojo skribis novan ĉapitron en la historio de Usono”. Por evoluantaj landoj la rolo de fervojo estas pli nesubtaksebla. Tion okcidentanoj bone scias. Ĝis hodiaŭ, parolante pri Hindio, ili ofte mencias la fervojon konstruitan de britaj koloniistoj. Iu brita ĵurnalo skribis, ke fervojo alportis al Hindio solidarecon. Sed fervojo en Ĉinio tute ne estas tia. Kiam ekfunkciis la Qinghai-Tibeta Fervojo, artikolo en “Nov-Jorka Tempo”, citante vortojn de “kritikantoj de Tibeto kaj Okcidento”, diras, ke la fervojo “viktimigis la interesojn de tibetanoj por profitigi hanojn”. Retejo de Brita Brodkasta Kompanio diris per vortoj de “kritikantoj”: “La Qinghai-Tibeta Fervojo kontraŭ 4.2 miliardoj da usonaj dolaroj estas parto de detruado de Pekino al la tibeta kulturo. Pekino instigas hanojn transloĝiĝi al Tibeto por asimili tibetanojn.”

Samaj estas la fervojoj, sed kial en Usono ĝi estas “industria miraklo”, en Hindio “feliĉo por popolo”, dum en Ĉinio “detruo al la tibeta kulturo”? Similaj ekzemploj kiel fervojo estas multaj. Oni vidas obskuron de la psiko en komentarioj de okcidentaj vehikloj ĉu pri la Qinghai-Tibeta Fervojo, ĉu pri la perforta evento en Tibeto. Nun la homaro jam eniris en la 21-an jarcenton, kaj la mensostato de tiuj homoj ŝajne restas ankoraŭ en malamikeco al Ĉinio antaŭ pli ol duonjarcento. Ili ĉiam intencas atingi sian politikan celon per tibeta problemo. La malica tordo de iuj okcidentanoj pri la perforta evento en Lhasa refoje malkaŝis, ke esence ili tute ne zorgas pri homaj rajtoj de Tibeto, kaj nur celas malhonori, malfortigi kaj subigi Ĉinion per la tibeta problemo.