|
Germanaj turistoj aĉetas
bileton por viziti Potala-palacon. |
Kun ĉiam plifortiĝinta entuziasmo pri vojaĝo al
Tibeto en 2009, pli kaj pli multe da en- kaj eksterlandaj
turistoj venas en Tibeton, malgraŭ la longa vojaĝo, por ĝui
la belajn pejzaĝojn kaj lokajn morojn kaj kutimojn. Antaŭ
nelonge mi renkontis 6 germanajn turistojn kaj faris kun ili
interparolon.
Veturiginte la tutan tagon la grupo de germanaj
turistoj, kiu unuafoje venis al Tibeto, atingis hotelon en
la 9-a horo vespere, ili tamen restis gajaj kaj viglaj. La
delikataj kaj bongustaj manĝaĵoj de la hotelo tre plaĉis al
ili. S-ino Angela levis la dikan fingron kaj montrante la
pladon de kapsika kokaĵo, diris: "Tre bongusta!"
Wang Lun, ĉiĉerono de la turista grupo, konigis
al mi, ke veturigante 4 ĵipojn, ili eniris en Ĉinion en Mohan,
Yunnan-provinco, la 3-an de majo. Ili planas viziti Yunnan,
Tibeton kaj Xinjiang kaj foriros de Ĉinio la 30-an de majo.
Dum la vojaĝo ili decidis resti en Tibeto kompare longe.
"Ni jam de longe deziris apreci la originalajn
naturajn pejzaĝojn de Tibeto kaj apartajn naciajn morojn.
Nun en la tuta mondo estas tre malmultaj lokoj kiel Tibeto,
kie la naturaj pejzaĝoj kaj folklora kulturo perfekte kombiniĝas
inter si," diris Claus Michelle, estro de la turista
grupo. "Ni multe atendas de tiu vojaĝo."
Michelle diris al mi, ke ili estas varme akceptitaj
ĉie en Ĉinio, inkl. en Markam kaj Zogang, kie oni liveris
al ili bonan servadon pri manĝaĵoj kaj restadejo. Pro tio
ili estis tre ĝojaj survoje. Li diris aldone, ke kiam ili
estis formale kontrolataj en Zogang, policano salutis ilin
per la ĵus lernitaj anglaj vortoj, kaj ili ĉiuj estis tre
kortuŝitaj. "Kun tiel gastamaj mastroj, ni kredas, ke
ni certe havos neforgeseblan tempon en Ĉinio," diris
Michelle.
Post vespermanĝo, bierumante, ili diskutis pri
la sekvanta vojaĝo. Angela kun rideto diris al mi: "Mi
tre deziras, ke morgaŭ ni povu atingi Lasaon rekte de Zogang."
|