Sub la blankaj nuboj kaj blua ĉielo de Lhasa
ne nur imponas la grandioza Potala-palaco, sed ankaǔ ĉarmas
bufedejoj.
 Ĉe
ĉiuj stratoj de Lhasa troveblas bufedejoj grandaj aǔ malgrandaj.
Kaj la mode dekoraciitaj kuŝas en la okcidenta parto de la
urbo, tiuj kun la nacia karaktero plejparte sidas ĉe la strato
apud Jokhang-templo. Laǔlonge de la mallarĝa strato staras
kvadrataj domoj kun blanke kalkitaj eksteraj muroj dike masonitaj
per ŝtonpecoj grandaj kiel libroj. La fenestroj estas negrandaj,
sed regulaj, kaj floroj sur la fenestrobretoj skuetiĝas en
vento.
 Malsupre
de la tibet-stila gastejo Balangxue preferata de vojaĝantoj
estas bufedejo, nomata Nian. Kiam vi sidiĝas sur la longan
benkon, oni alportas al vi vinon faritan el nuda hordeo, kun
glacio. Ĝi estas malforta kaj iom dolĉa. Lenta kaj orelo-agrabla
muziko flirtas el disko. Mastro de la bufedejo sidas ĉe angulo.
Li nomiĝas Wang Xiao, venis el la urbo Xi'an, havas brunan
vizaĝon, lipharojn kaj harplektaĵon post la kapo. Li ĉiutage
estas okupita je kopiado de muzik-diskoj por gastoj. Kvankam
ĉi-jare la komerco ne estas tiel prospera kiel antaŭe, tamen
vizitintoj ofte rememoras la bufedejon kaj petas lin sendi
muzik-diskojn.
 La
plej bone konata bufedejo Maji Ami en flava domo troviĝas
ekster Jokhang-templo kaj sudoriente de Barkor-strato. Sur
la afiŝo de la bufedejo pentriĝas sentimentala knabino, kiu
kun duon-malfermita tendo-kurteno ĉemane ŝajnas meditadi.
Ĉu ŝi atendas iun?
Laǔdire
la sentimentala knabino estis amatino de Tsangyang Gyatso,
la Sesa Dalai-lamao, kaj Maji Ami estas ŝia nomo. Siatempe
tie estis loko por ilia rendevuo. La legendo altiras vojaĝantojn
al la bufedejo. Kiam vi supreniras tra la mallarĝa ŝtuparo
al la balkono sur la dua etaĝo, vi ebriiĝas eĉ sen drinki.
 Fronte
al Balangxue-gastejo estas la bufedejo Lamu Lacuo. La mastro
estas sinjorino, kaj la meblaro estas plena de mildeco. Interne
la ornamaĵoj estas en la koloroj ruĝa, flava kaj blua. Tra
la lampo-kovrilo farita el tibet-papero brilas milda lumo,
kaj en mallaǔta muziko oni babiladas. La oftaj klientoj ĉi
tie plejparte estas vojaĝantoj el aliaj lokoj, kaj lokanoj
ŝatas viziti modernajn bufedejojn en la okcidenta parto de
la urbo. Iuj diras, ke ĉi tie estas kvazaǔhejmo, kiu kun pendanta
bido-kurteno plenas de maldensa aromo. Kandeloj flagretas
kaj sur fenestro-vitroj dancetas ombroj. Ĉi tie oni ĝuas romantikecon
kaj varmecon.
| 
