En Nyingchi, Shannan kaj aliaj lokoj de Tibeto la lokaj registaroj estis plenumantaj loĝigan projekton. Tio ne nur bonigis loĝkondiĉon de la tieaj kamparanoj kaj paŝtistoj, sed ankaǔ ŝanĝis ilian ideon pri produkto kaj vivo.

En Mirui-vilaĝo, Nyangbo-distrikto de la gubernio Gongbo’gyamda, vivas vilaĝano Luosang Yundan. Li kaj lia patrino estas rigardataj kiel la plej ĝojaj homoj. Luosang Yundan diris: “Antaǔe nia vilaĝo estis la plej malriĉa en la distriko kaj nia familio -- unu el la plej povraj familioj en la vilaĝo. Tamen ĉi-jare ni konstruis novan domon kun pli ol 200 kvadrataj metroj. Kaj kiel ni povas ne ĝoji?”

Dunzhu Ciren, direktoro de la vilaĝa komitato, diris: “Se la registaro ne ellaborus la loĝigan projekton, konstrui novajn domojn estus revo ne nur por la familio de Luosang Yundan, sed ankaǔ por aliaj familioj.” En la pasintaj 30 jaroj nur tri el la 20 familioj de la tuta vilaĝo faris simplan riparadon de sia domo. Ĝis la fino de 2007 Mirui-vilaĝo estis prenata kiel ekzemplo en la loĝiga projekto de la gubernio. Ĝis aǔgusto ĉi-jare ĉiuj 20 familioj de la vilaĝo enloĝiĝis en novajn domojn.

La novaj domoj bonorde staras ambaŭflanke de la vilaĝa strato. La domoj en tibeta stilo estis faritaj el brikoj kaj ŝtonoj kun purpuraj kaj ruĝaj duklinaj tegmentoj. Vilaĝano Juedan diris: “En la malnova socio eĉ ordinaraj servutulo-posedantoj ne havis la similajn domojn, sed nun ni havas, dume por tio ni ne multe pagis.” Laŭ la projekto ĉiu familio ĝuis monhelpon de la registaro je 25 mil juanoj kaj subvencion de Fujian-provinco je 10 mil juanoj. Krome, la registaro pagis por ferladaj tegmentoj, kranakvo, sun-energia kuirilo, metana projekto, vilaĝ-placa rekonstruado k.a.por la novaj domoj.

La 22 familioj de Caimen-vilaĝo, Zharao-distrikto de la gubernio Milin, finos baldaǔ internan ornamadon por siaj du-etaĝaj domoj kun konstrua areo de 300-400 kvadrataj metroj. Vilaĝano Dawa diris, antaǔe ni loĝis tie, kie oftis koto-ŝtonaj fluoj. La tuta vilaĝo transloĝiĝis en sekuran lokon apud la rivero Yarlung Zangbo dank’ al efektivigo de la projekto. Ĉiu familio konstruanta domon ĝuis monhelpon de la registaro je 20 mil juanoj kaj subvencion al Tibeto je 18 mil juanoj. Niaj domoj estas bonaj kaj grandaj.

Ni informiĝis de la tibeta registaro, ke en la pasintaj du jaroj dank' al plenumado de la projekto, diversnivelaj registaroj investis entute 8 miliardojn da juanoj por la konstruado kaj 600 mil kamparanoj kaj paŝtistoj enloĝiĝis en novajn domojn.