1. Potala-palaco, simbolo de Lhasa kaj la tibeta kulturo, sidas en la centro de Lhasa. Ĝia konstruado startis en la regado de Sunzamkampo en la 7-a jarcento. Potala signifas en la sanskrito insulon, kie loĝas Avalokiteŝvaro. La ĉefa konstruaĵaro de la templo konsistas el la ruĝa kaj blankaj palacoj, kun la ruĝa en la mezo. En la ruĝa troviĝas pagodoj por relikvoj de la forpasintaj lamaoj, haloj por budhoj kaj sutroj; kaj en la blankaj Dalai-lamao loĝis kaj traktis politikajn aferojn. La tuta palaco areas 120 mil kvadratajn metrojn, en ĝi konserviĝas multaj budhaj statuoj kaj freskoj.

2. Jokhang-templo, la unua templo en Tibeto, estis ekkonstruita en la jaro 647. Kun areo de 25 mil kvadrataj metroj, ĝi sidas en Barkor-strato en Lhasa. Jokhang signifas en la tibeta lingvo budhan halon kun statuo de Ŝakjamunio. En la templo konserviĝas la ortegita statuo de 12-jara Ŝakjamunio. Tio estis donaco de princino Wencheng de Tang-dinastio en la 7-a jarcento.

3. Samye-templo troviĝas en Shannan-urbo, Tibeto. Ekkonstruita en la jaro 762, ĝi estas la unua templo kun budho, darmo kaj lamao en la historio de la tibeta budhismo. La konata doktrina konflikto de la hinda budhismo kaj la hana okazis ĉi tie.

4. La templo Relha Yomzhong en la regiono Xigaze, la plej grandskala kaj vaste influanta templo de Bon (indiĝena religio en Tibeto), estas ekkonstruita en la 7-a jarcento. Detruite en la 8-a jarcento, la templo estis rekonstruita en 1834 kaj listigita kiel ŝtatnivele protektata templo en 1959.

5. Razheng-templo, konstruita de Kadam-sekto de la tibeta budhismo en la jaro 1051, situas en Linzhou-gubernio, 150 kilometrojn for de Lhasa. Ĝi estas ĉefa templo de Kadam-sekto. La Historio de Tibeto notas: "Kadam-sekto estas la origino de ĉiuj sektoj de la tibeta budhismo." Tio pruvas la historian gravecon de Razheng-templo. En la 15-a jarcento, majstro Tsongkhapa kreis Gelug-sekton surbaze de perfektigo de doktrino de Kadam-sekto, tial Razheng-templo fariĝis grava templo de la sekto.

6. Sagya-templo en Sagya-gubernio, Tibeto, estas kerna templo de Sagya-sekto en la tibeta budhismo. En 1073 aristokrataj posteuloj de Tubo-regno konstruis la templon. Kun la templo kiel centro Sagya-sekto formiĝis samjare. La muroj de la templo estas en koloroj ruĝa, simbola koloro de Bodisatvo Manjusri, blanka, tiu de Avalokiteŝvaro kaj verda, tiu de Bodisatvo Vajrapani, tial Sagya-sekto nomiĝas ankaŭ kolora sekto.

7. Chigung-templo estas centra templo de Gagyu-sekto, konstruita en montaro oriente de Lhasa en 1179. En la mondo troviĝas du famaj altaroj por ĉiela funebra ceremonio propra al la tibeta nacio, unu en Hindio kaj la alia en Chigung-templo.

8. Gahdan-templo, konstruita en 1409, situas 40 kilometrojn oriente de Lhasa. Ĝi estas la unua templo de Gelug-sekto kreita de Tsongkhapa, iniciatinto de la sekto. La temploj Gahdan, Drepung kaj Sera estas rekonataj kiel tri grandaj temploj de Lhasa, kiuj havis ĉ. 4000 lamaoj en la pinta periodo.

9. Drepung-templo, unu el la tri grandaj temploj de Lhasa, estis konstruita en la jaro 1416 en la loko je 3800 metroj super la marnivelo okcidente de Lhasa. Ĝia totala areo estas 200 mil kvadrataj metroj. Ĉiujare en Shoton-festivalo, unu el la plej gravaj festoj de Tibeto, okazas ceremonio por sunumi budhon en la templo. Grandega pentrita portreto de budho sternita sur montdeklivo altiras sennombrajn adeptojn, pilgrimantojn kaj turistojn benopetantajn. La spektaklo estas grandioza kaj majesta.

10. Sera-templo, unu el la tri grandaj temploj de Lhasa, situas norde de Potala-palaco. Sera-templo, konstruita en la jaro 1419, kovras 110 mil kvadratajn metrojn. La agado de disputado pri sutroj (maniero por studi sutrojn) en tiu ĉi templo estas vaste konata inter la tibetaj temploj.

11. Tashihungpo-templo norde de Xigaze-urbo areas 300 mil kvadratajn metrojn. Ĝi, kun la temploj Grepung, Sera, Gahadan, Tar en Qinghai kaj Labrang en suda Gansu, estas ses grandaj temploj de Gelug-sekto de la tibeta budhismo. En 1447, Gendun Zhuba, disĉiplo de Tsongkhapa, konstruis Tashihungpo-templon. Poste li estis titolita kiel Dalai-lamao la Unua. En Qamba-halo de la templo kultiĝas ortegita bronza budho Qamba sidanta sur lotusforma trono kun alteco de 26.2 metroj. Ĝi estas la plej granda bronza budho, statuo sidanta en la mondo.

12. Minzhoiling-templo, ĉefa templo de Nyingma-sekto de la tibeta budhismo, situas en Zhanang-gubernio, Shannan-urbo. La templo, ekkonstruita en la jaro 1676, areas 100 mil kvadratajn metrojn. Tie oni atentas studon pri astronomia kalendaro kaj medicino. Iuj prestiĝaj bonzoj de la templo instruas en la monaĥa kolegio de Potala-palaco, kaj aliaj studas kalendaran sistemon, kompilas kaj revizias la Tibetan Kronikon.

13. La kvin-etaĝa Rongbo-templo, ekkonstruiĝis en 1899 sur montdeklivo. Ĝi kun 4980 metrojn super la marnivelo proksime al Ĉomolangma estas la plej alta templo en la mondo. La tiea pejzaĝo estas fascina.