Post la perforta evento okazinta en Lhasa, Tibeto, la 14-an de marto, iuj okcidentaj amaskomunikiloj faris raporton ne konforman al la fakto, kaj iuj sagacaj okcidentanoj restis indiferentaj al raportoj de tiuj amaskomunikiloj, kiuj tamtamas sin "justaj" kaj "liberaj je parolado". Profesoro Eirik Granqvist el Finnlando havis sian propran opinion, kaj lia artikolo estis vaste atentata post publikigo. Lastatempe mi intervjuis lin, altprestiĝan faranton de vertebrulaj ekzempleroj.

Prof. Granqvist partoprenis faradon de pejzaĝoj kaj ekspozicioj de pluraj muzeoj pri la natura historio kaj zoologio en Eǔropo. Li iam laboris kiel administranto de du muzeoj de natura historio kaj konservisto de kelkaj zoologiaj muzeoj en norda Eǔropo. En 2006 li kaj lia edzino kune vizitis Tibeton.

Lia verko "La perforta evento de Tibeto en la okuloj de finno" konigas travivaĵojn de kelkaj alilandanoj en Tibeto komence de la 20-a jarcento, rakontas fermitecon de Tibeto kaj kruelecon de servutulo-posedantoj antaǔ ol la Ĉina Popola Liberiga Armeo eniris en Tibeton, malkovras hipokritecon de Dalai-lamao kaj objektive montras, ke "(tie) la popolo vivas feliĉe."

Dank’ al interparolo kun lokanoj dum vojaĝo en Tibeto, 2006, prof. Granqvist multe konis la regionon kaj ĝian popolon. Estante nacimalplimultano en Finnlando, Granqvist profunde interesiĝas pri la sukcesa laboro de Ĉinio pri nacimalplimultoj. Li kredas, ke la popolo en Tibeto vivas libere kaj la atmosfero en Lhasa estas malstreĉa. Dum sia vizito en Tibeto li ne trovis spuron de subpremado. Li opinias, ke la vivnivelo de la tibeta popolo estas alta, kaj multaj konstruaĵoj profunde impresis lin. Li diris: "Tibeto prezentas belan perspektivon!"

Parolante pri la ĉifoja perforta evento, li diris, ke malmultaj tibetanoj, kiuj posedis religian aǔtoritatecon kaj aristokrateco, kompreneble malkontentas pri la hodiaǔa Tibeto, kaj ili sonĝas restaŭri la malnovan sistemon. Tamen plejparto de la tibetanoj malaprobas la restaŭron. Li diris, ke la centra registaro de Ĉinio faris multon por Tibeto, kio ne estas por montri al aliaj, sed por favorigi la tibetanojn. La aferoj faritaj de la centra registaro estas tre ŝatataj de la loka popolo.

Pri influo de la perforta evento sur la Pekinaj Olimpikoj, Granqvist diris: "Ni jam vidis, ke estas malmultaj, kiuj subtenas bojkoton al la Olimpikoj. Certe iuj intencas malhelpi la Olimpikojn, tamen Dalai-lamao ne akiris la de li deziratan subtenon." Li diris, ke nun pli kaj pli da okcidentanoj vojaĝas al Tibeto, sekve de tio, ilia opinio pri Tibeto ŝanĝiĝos. Granqvist konfesis, ke ankaǔ li estis influita de la penso de malvarma milito, ĉar liaj scioj pri Tibeto estis limigitaj. Dank’ al tio, ke li venis en Ĉinion en 2006 kaj kontaktiĝis kun ĉinoj, lia opinio pri Ĉinio tuj ŝanĝiĝis. Li proponis, ke pli da alilandanoj venu al Ĉinio, kaj rakontu sian propran sperton en Ĉinio, ĉar "tio iom post iom rolos pozitive." Li diris ankaǔ, ke la tempon bezonas tio, ke Okcidento ŝanĝos sian opinion pri Ĉinio.

Invitite de la Scienc-teknika Muzeo de Ŝanhajo, profesoro Granqvist venis al Ĉinio por trejni bestremburistojn. Li diris, ke li kaj lia edzino loĝas tie, kie ne troviĝas alilandanoj, kaj ili amikiĝis kun multaj ĉinoj. Tio estas plej bona metodo por koni la landon. Kvankam lia laboro en Ŝanhajo finiĝos baldaǔ, li diris, ke Ĉinio bezonas lian profesian scion, dum li miras pri Ĉinio. Li preparas reveni al Ĉinio en venontjara vintro, kaj esperas havi ŝancon viziti Tibeton.