Unua paĝo >> Aktualaĵoj


Ministerio de Eduko de Ĉinio akcentas 6 punktojn en reformado kaj disvolvo de edukado

La 27-an de januaro ministro de edukado de Ĉinio Zhou Ji informis en gazetara konferenco okazigita de la Informa Oficejo de la Ŝtata Konsilantaro de Ĉinio, ke Ĉinio akcentos 6 punktojn en la reformado kaj disvolvo de la edukado de Ĉinio en 2005:

1. Daŭre meti la kamparan edukadon sur la plej gravan lokon, plenenergie rapidigi la reformadon kaj disvolvon de la kampara edukado, grandigi la forton por fundamente ĝeneraligi la naŭjaran devigan edukadon kaj fundamente forigi analfabetecon de mezaĝuloj kaj junuloj en la okcidento de Ĉinio, akceli firmigon kaj altigon de la deviga edukado en la kamparo de la mezo de Ĉinio;

2. Fidele efektivigi la postulojn de la registaro en la koncernaj lokoj, persisti en la principo “preni homan edukon kiel bazon kaj moralan edukon kiel la unuan” en la lerneja edukado, ĉiuflanke plifortigi kaj plibonigi la moralan edukadon en mezlernejoj kaj elementaj lernejoj kaj ideologian-politikan edukadon de studentoj;

3. Amplekse puŝi la rapidan disvolviĝon de profesia edukado, persiste preni labordonadon kiel orientiĝon, rapidigi reformadon kaj renovigon de profesia edukado;

4. Solide disvolvi superan edukadon, daŭrigi antaŭenpuŝon de konstruado de altnivelaj universitatoj, efektive altigi la kvaliton de la edukitoj, teknologian kreivon kaj nivelon en socia servo;

5. Pluapaŝe rapidigi la paŝojn de la reformado kaj pordmalfermo de la edukado, kompletigi la investan sistemon de edukado kaj altigi la efikon kaj profiton de investo por la edukado;

6. Pene akceli justecon de edukado, pli bone solvi la malfacilajn problemojn en la edukado. Pluapaŝe plenumi subvencion kaj subtenan politikon por la lernantoj el malriĉaj familioj, efike garantii la sekurecon en la lernejoj, altagrade akcenti kaj bone fari labordonadon por diplomitaj studentoj, pli rigore kontroli la malordajn pagigojn en edukado kaj efike forigi la malvirtojn kontraŭ deontologio.