Madis
Linnamagi (Estonio):
Volonte mi legos novaĵojn pri la 17-a
Tutlanda Kongreso de la Komunista Partio de Ĉinio - la fora lando
tre interesas min kaj societanojn: laboro en komisionoj pri edukado,
kulturo kaj agrikulturo.
Ian
Mac Dowall (Britio):
Mi esperas, ke vi ĉiuj bone fartas, deziranta
al vi ĉiuj sukcesan kongreson, kaj bonan estontecon por vi kaj via
lando.
Marc
Bavant (Francio):
Dankon pro via interesa paĝaro rilate
tiun gravan politikan eventon. Mi vidas unu gravan demandon, kaj
scivolas, ĉu kaj kiamaniere la kongreso ĝin pritraktos: nome, estas
konate, ke la ekonomia evoluo de Ĉinio estas tre rapida, sed nun,
en situacio de tutmondigita ekonomio, ĉu la evoluo ne estas tro
rapida, do danĝera kaj por aliaj landoj, kaj por la natura medio?
Emile
Malanda Nianga (Kongo)
Bonan Kongreson. Mi interesiĝos pri ĉina
socio en evoluo. Dankon!
Verner
Fenig (Germanio):
Pro via ĉarma invito mi vizitis viajn
paĝojn en la reto. Mi supozas, ke la Tutlandaj Kongresoj de Komunista
Partio de Ĉinio estas la parlamentaj kunvenoj de elektitaj personoj
de viaj popoloj.
Unue mi esprimas mian admiron, kiel eblas,
ke viaj gvidantoj kapablas regi vian gigantan regnon kaj popolon.
Viaj paĝoj aspektas tre plaĉaj, la enhavo estas interesa kaj varia.
Vi vere tuŝas ĉiujn temojn. Estonte mi pli detale trastudos viajn
tekstojn.
Per via diligenta, saĝa laboro vi tre bone
prezentas vian landon al la tuta mondo, volonte mi legos la informojn
de la nova kongreso de KPĈ.
Claude
Gacond (Svisio):
Mi dankas pro viaj informoj el Ĉinio en
Esperanto, kaj min ĉefe interesas, kian lokon oni faros en via 17-a
Tutlanda Kongreso al la lingvo Esperanto. Vi ne forgesu, ke siatempe
pere de El Popola Ĉinio ni intimiĝis kun la disvolviĝo kaj originalaĵoj
de la ĉina socio.
Manuel
Parra (Hispanio):
Mi ŝatus, ke vi informu pri MALMODELAJ
membroj de la Partio, ekzemple se iu estro multege disipas por superfluaj
luksaĵoj, se iu kaŭzas malbonon al kompanoj por atingi pli altan
postenon, ktp. Pri la kongreso, mi ŝatus koni la novaĵon, ke estos
permesata la libera agado de aliaj partioj.
Edward
Jaśkiewicz (Pollando):
Mi tre interesiĝas pri via grandega socialisma
lando gvidata de la Komunisma Partio kaj mi admiras vian progreson
en diversaj branĉoj de nuntempa civilizo. Mi deziras al Popola Ĉinio
pluajn sukcesojn ekonomiajn kaj mi esperas, ke via saĝa politiko
akceptos iam Esperanton kiel la mondlingvon montrante al UE ĝustan
vojon al internacia plej facila (kaj neŭtrala) lingvo en la mondo,
kiu anstataŭos altrudatan nacian, imperialisman, balbutsonan, la
anglan.
Seán
Ó Riain (Irlando):
Mi ege ĝojas, ke vi detale raportas pri
la 17-a kongreso de la Komunista Partio de Ĉinio en la vera internacia
lingvo, kaj ne nur angle.
Dezirante al vi plenan sukceson en la disvastigo
de nia lingvo en via lando, kaj en la tuta mondo.
|