Hanson: Donal, via filo forestis jam multajn
jarojn kaj kredeble li multe atingis.
Donal: Mi ne scias, kiom li atingis. Sed
la registaro alte taksas lin.
Donal: La polico anoncis rekompencon de
cent mil dolaroj por trovi lin.
Troa
sintakso
Studento de jura fakultato estis praktikanta
en juĝejo kaj partoprenis en juĝado de kazo de murdo.
Montrante tranĉilon li demandis la akuziton:
“Ĉu vi vidis ĉi tranĉilon?” Li plurfoje ripetis la demandon, sed
la akuzito firme neis.
Reveninte de tribunalo la praktikanta
studento rememoris la proceson kaj opiniis, ke li ne estis sufiĉe
severa al la akuzito. Do en la sekvanta tago li faris seriozan
mienon kaj muĝe demandis frapante la tablon: “Konfesu! Ĉu vi vidis
ĉi tranĉilon?” “Jes,” mallaŭte respondis la akuzito. La studento
ekĝojis kredante, ke lia severeco donis efikon, kaj refoje demandis
frapante la tablon: “Diru! Kiam kaj kie?”
“Hieraŭ, ĉi tie,” respondis la akuzito
per trema voĉo.