Kiu li estas?

Rigardante fotoalbumon filo scivoleme demandas al la patrino: "Panjo, kiu estas tiu junulo, forta kun haroj nigraj?"

"Estas via paĉjo, mia kara."

"Paĉjo? Do kiu estas la dikulo kalva, kiu loĝas kun ni nun?"

Frua edukado

Avino: Kiom estas 1 kaj 2?

Nepo: 3.

Avino: Jes, vi pravas, pro tio vi gajnos 3 sukeraĵojn.

Nepo: Se mi scius tion, mi dirus 5!

Malfacile ebriigebla?

Malsana knabo: Kial oni frotas min per kotonbuloj antaŭ injekto?

Patro: Tio estas alkoholo, per ĝi oni faras vian postaĵon ebria, kaj ne doloras via postaĵo dum injektado.

Malsana knabo: Tamen mi ankoraŭ suferas la doloron.

Patro: Ĉar via postaĵo estas malfacile ebriigebla.