Terura
kaligrafio
Post emeritiĝo, avo eklernis kaligrafadon.
Pro la aĝo granda, la mano kun peniko tremas senĉese. Lia 5-jara
nepo surprize demandas: "Avĉjo, ĉu kaligrafado estas tiom timiga?"
Avo: "Kial?" Nepo: "Se ne, pro kio tremas via mano?"
Familianoj
Knabo demandas la knabinon ludantan kun
li: "Ĉu vi volus edziniĝi al mi, post kiam vi grandiĝos?"
"Ne," la knabino respondas. "Kial?" demandas
la knabo. "En mia familio, nur la familianoj povas geedziĝi
inter si. Vidu, mia patro edziĝis kun mia patrino, la avino edziniĝis
kun la avo, kaj mia onklo edziĝis kun mia onklino," klarigas
la knabino.
Manĝu
rigardante fiŝon
Antaŭe estis avara riĉulo. Iutage dum
manĝado, liaj du filoj petis de li pladon krom rizaĵo. Li do pendigis
salitan fiŝon sur muro kaj diris al ili: "Vi donu unu vidon
al la fiŝo kaj manĝu unu buŝon da rizo." La filoj nenion povis
fari ol ekmanĝi tiele.
Subite, la fratoj kverelis unu kontraŭ
la alia. La patro demandis la kialon, la juna akuzis: "La frato
rigardis la fiŝon je unu fojo pli ol mi." La patro kolere kriis:
"Lasu lin suferi de troa saleco."
Karakteriza
plado
Turistino, kiu ne komprenas la francan
lingvon, vojaĝis en Francio. Ŝi iris en restoracion, kaj kelnero
donis al ŝi menuon. Hontante diri, ke ŝi ne povas paroli france,
ŝi fingre montris okulfrapan nomon en la menuo kaj diris: "Mi
volas tiun, ĝi certe estas via karakteriza plado."
La kelnero surpriziĝis: "Tiu ĉi estas
la nomo de nia mastro!"
|