Regulo

Du advokatoj iris en restoracion, sidis ĉe tablo kaj alportigis trinkaĵojn. Poste ili elprenis respektive hamburgerojn el sia oficsako kaj ekmanĝis. "Pardonon, mem kunportitaj manĝaĵoj estas malpermesataj tie ĉi," ĝentile diris mastro de la restoracio. "Kial?" La du advokatoj demandis unuvoĉe. "Tio estas regulo de la restoracio." La du advokatoj rigardis unu la alian, senpove ŝultrotirante, kaj diris: "Bone, ni obeu vian regulon." Nevolonte ili interŝanĝis hamburgerojn kaj ekmanĝis denove.

Preĝado

Mallaborema kuiristo revarmigis postlasitajn pladojn por pastro dum sinsekvaj kelkaj tagoj. La lasta tuj ekmanĝis, sen fari preĝon. La kuiristo kun scivolemo demandis al li kial li ne preĝis antaŭ manĝado.

La pastro respondis kviete: "Ĉiun pladon sur la tablo, mi jam dankis almenaŭ du-foje."

Unu kiel du

Du homoj drinkis multe, unu el ili diris neklare: "Nun mi vidas ĉion kiel du." La alia tuj elprenis monbileton en valoro de unu juano kaj diris al li: "Jen du juanoj, kiujn mi ŝuldis al vi."