Esperanto-Societo "Bude Borjan" pripensis kiel festi Zamenhof-tagon en 2005. Ni decidis provi enmeti la libron "Zamenhof-strato" de R. Dobrzynski en la televidan elsendon pri la plej multe aĉetataj libroj. Tiucele pluraj membroj decidis samsemajne aĉeti la libron en la librovendejoj ĉe kiuj certa TV-programo kutimas mezuri la interesiĝon de la publiko. Niaj membroj ja posedas tiun libron, ĉar ni aĉetis ĝin etpreze antaŭ ol ĝi aperis per antaŭpago. Nun ni decidis investi en plian libroaĉeton ĉe publika loko, sen rabato.
Rezulto de la unua semajno: "Zamenhof-strato" aperis en la kroata gazeto "Veĉernji list" de la 21-a de novembro je la 4-a loko el 5 eblaj lokoj.
(S. Ŝtimec)
|