La 17-an de majo, Ĉinio ĉeestis simulan ekzercadon
de cunamo ĉe Pacifiko por testi la alarman sistemon.
La ekzercado “Pacifika Ondo 2006” simulis du submarajn
tertremojn — unu okazis ĉe bordo de Ĉilio kaj la alia en norda parto
de Filipinoj.
Ĝi estas la unua ekzercado por Ĉinio. Ĉinio estas unu
el la 32 Azi-Pacifikaj landoj kaj regionoj ĉeestantaj la simulan
ekzercadon.
La ekzercado estis organizita de la Interregistara
Oceanografia Komitato sub Unesko.
Laŭ diro, regula ekzercado de cunamo estas unu el la
plej bonaj rimedoj por testi la cunaman alarman sistemon kaj urĝan
planon. Pli ol 200 mil personoj mortis en la tertremo kaj cunamo
de la Hindia Oceano okazinta en 2004.
|