La 23-an de majo Kofi Annan, ĝenerala sekretario de UN, diris en la Pekina Universitato, ke la interrilatoj de UN kaj Ĉinio estas gravaj por la estonteco de UN.

En sia prelego, Kofi Annan diris, ke pro reformado de Ĉinio, ĝiaj senĉese pliiĝanta konstruiva gvida rolo en la tuta mondo kaj aktiva partopreno en UN, oni havas la kialon teni optimismon pri disvolviĝo de Ĉinio. Kofi Annan laŭdis progresojn de Ĉinio en la flankoj de ekonomia konstruado, helpo al malriĉuloj kaj kunlaboro kun evoluantaj landoj. Li diris, ke Ĉinio ne nur faras progreson sur ekonomia kaj socia kampoj, sed ankaŭ pli kaj pli multe ludas pozitivan rolon en la flankoj de realigo de internacia paco kaj kolektiva sekureco. Kiel prezidanta lando de la 6-flanka intertraktado de nuklea problemo de la Korea Duoninsulo, Ĉinio ludis ŝlosilan rolon por solvi la urĝan problemon.