La 23-an de majo, grekaj prezidento Karolos Papoulias kaj parlamenta prezidanto Anna Psarouda-Benaki respektive interparolis en Ateno kun Wu Bangguo, prezidanto de la Konstanta Komitato de la Tutlanda Popola Kongreso (TPK) de Ĉinio.

Karolos Papoulias diris, ke li firme konvinkiĝis, ke la pekinaj Olimpikoj en 2008 certe estos distingiĝa altnivela olimpika solenaĵo. Wu Bangguo diris, ke Ĉinio estas plenplena de memfido por sukcesigi la Olimpikojn kaj volas lerni kaj referenci grekan sukcesan sperton pri Olimpikoj. Parolante pri la interrilatoj de Ĉinio kaj Grekio, la prezidento diris, ke la du-flankaj rilatoj sin trovas en la plej bona stadio de la historio. Grekio volas aktive sin dediĉi al pluapaŝa disvolvo de la ĉiuflankaj strategiaj partneraj rilatoj inter la du landoj.

En interparolo kun Anna Psarouda-Benaki, Wu Bangguo donis altan takson al disvolviĝo de la interrilatoj de Ĉinio kaj Grekio post establiĝo de la diplomatiaj rilatoj kaj esprimis dankon al Grekio pro ĝiaj kompreno kaj subteno al Ĉinio rilate al la problemoj de Taiwan, homaj rajtoj kaj aliaj. Psarouda-Benaki diris, ke Grekio alte atentas disvolvi siajn rilatojn kun Ĉinio kaj admiras Ĉinion pro ĝiaj grandaj atingoj en la moderniga konstruado.