La 26-an de majo, ĉina ĉefministro Wen Jiabao intervidiĝis en Pekino kun famaj sciencistoj ĉinaj kaj alilandaj, kiuj ĉeestas la altrangan forumon "La 21-a-jarcenta scienca fronto kaj ĉina ŝanco".

En la intervidiĝo partoprenis Arden L. Bement, prezidanto de la Usona Nacia Scienca Fonduso, Ernst-Ludwig Winnacker, prezidanto de la Germana Federacio pri Esploro, Nobelpremiitoj Li Zhengdao, Ding Zhaozhong kaj aliaj pli ol dek sciencistoj.

Wen Jiabao konigis al ili pri la evoluado de la ĉinaj ekonomio kaj socio kaj interŝanĝis opiniojn kun ili pri ĉinaj scienca-teknika disvolviĝo, scienca-teknikaj politikoj, trejnado de scienca-teknikaj talentuloj kaj aliaj. Wen diris, ke la Ĉina Nacia Naturscienca Fonduso ludas gravan rolon por antaŭenpuŝi esploradon de baza scienco kaj fronta scienco. Li esperas, ke la fonduso liveros al sciencistoj kondiĉojn por kreado kaj justan kaj liberan akademian medion, precipe subtenos junajn sciencistojn en ilia kreskado kaj pliintensigos internaciajn scienca-teknikajn interfluojn kaj kunlaborojn.