La 29-an de majo Li Zhaoxing kaj Walid al Moualem, ministroj de eksteraj aferoj de Ĉinio kaj Sirio, interparolis en Pekino.

Li Zhaoxing diris, ke Ĉinio kaj Sirio havas longajn amikajn interrilatojn. En la lastaj jaroj, la du landoj tenis oftan politikan kontakton, ekonomia kaj komerca kunlaboro rikoltis evidentajn fruktojn kaj plivigliĝis kulturaj interŝanĝoj. Ĉinio zorgeme disvolvas la rilaton kun Sirio kaj volas utiligi la bonŝancon de 50-jariĝo de establiĝo de la diplomatiaj rilatoj inter la du landoj, por klopodi kune kun Sirio por plivastigi kunlaboron en diversaj kampoj kaj efektivigi pli bonan kaj rapidan disvolviĝon de la interrilatoj.

Walid al Moualem diris, ke Ĉinio estas grava forto sur la internacia scenejo. Sirio dankas Ĉinion pro ĝia kompreno kaj subteno al Sirio en internaciaj aferoj. Sirio esperas senĉese profundigi amikan kunlaboron de la du landoj en diversaj kampoj.