La 3-an de junio, en la 2-a Labora Jarkunveno pri Malfermo de Ĉinaj Urbaj Komercaj Bankoj, Liu Mingkang, prezidanto de la Banka Reguliga Komisiono de Ĉinio (BRKĈ) diris, ke BRKĈ kuraĝigas kaj subtenas mez- kaj malgrandajn komercajn bankojn kunlabori kun eksterlandaj strategiaj investantoj, lerni kaj referenci servajn konceptojn, administradan sperton kaj teknologiojn pri ekspluato kaj flegado de produktaĵoj de internaciaj evoluintaj merkataj bankoj por altigi sian kernan konkurencan forton.

Liu Mingkang montris, ke pro la historiaj kaŭzoj, la problemoj de neperfekta administra strukturo, neperfekta interna superrega sistemo kaj malsufiĉaj produktaj ekspluataj kaj kreaj kapabloj ĝenerale ekzistas en ĉinaj urbaj komercaj bankoj, kaj tio malhelpas la bankan sistemon en sana disvolviĝo. Por ŝanĝi tiun situacion, oni devas ne nur reformiĝi mem kaj kunlabori kun ĉinaj privataj entreprenoj, sed ankaŭ kunlabori kun eksterlandaj strategiaj investantoj por akceli reformon kaj disvolvon.

Ĝis nun, 9 urbaj bankoj en Ŝanhajo, Nankino, Jinan kaj Pekino jam kunlaboras kun eksterlandaj strategiaj investantoj. Liu opinias, ke dank’ al kunlaboro kun eksterlandaj strategiaj investantoj, la 9 bankoj evidente plibonigas sian funkciadon. La praktikado pruvis, ke kunlaboro kun taŭgaj eksterlandaj strategiaj investantoj helpas solvi problemojn de ĉinaj urbaj komercaj bankoj, plibonigi kaj altigi ilian kapitalan kvaliton, konstrui bonajn sistemojn de administrado, interna superrego, damaĝa preventado kaj altigi konkurecncan forton.