La 5-a de junio estas la Monda Media Tago. Tiutage la ĉina registaro
publikigis la blankan libron “Mediprotektado en Ĉinio (1996-2005)”.
La libro diras, ke post serio da mediprotektaj metodoj, moderiĝas
serioziĝo de media poluado kaj ekologia detruado, sed Ĉinio ankoraŭ
alfrontas seriozan median problemon.
La blanka libro konigas, ke la ĉina registaro difinis
mediprotektadon kiel bazan nacian politikon. En la lastaj 10 jaroj,
Ĉinio elspezis 950 miliardojn da juanoj (10 juanoj egalas 1 eŭron)
por regadi median poluon, tiel ke la ellasaĵo de industria poluaĵo
en Ĉinio multe malaltiĝis kaj iuj poluataj regionoj gajnis efikan
rezulton. Krome evidente kreskis forsta kovriteco en Ĉinio.
La blanka libro diris ankaŭ, ke Ĉinio estas en la stadio
de rapida disvolviĝo de industriiĝo kaj urbiĝo. La konflikto de
ekonomia kreskado kaj mediprotektado estas elstara kaj la situacio
de mediprotektado estas severa. Pro tio, la ĉina registaro metis
mediprotektadon en gravan strategion kiam oni faras la estontan
disvolvan planon. Laŭ plano, ĝis 2010 la media kvalito de gravaj
regionoj kaj urboj en Ĉinio pliboniĝos kaj malboniĝo de ekologia
medio estos subigita. La kvanto de ellaso de ĉefaj poluaĵoj malmultiĝos
je dekono kaj la forsta kovriteco plue altiĝos.
|