Li Changchun, membro de la Konstanta Komitato de la Politika Buroo de la Centra Komitato de la Komunista Partio de Ĉinio, faris parolon la 7-an de junio en la uzbeka ĉefurbo Taŝkento. Li diris, ke Ĉinio persistos en la vojo de paca disvolviĝo.

En la Uzbeka Universitato de Monda Ekonomio kaj Diplomatio, Li Changchun faris improvizan parolon. Li diris, ke la vojo de paca disvolviĝo estas konsekvenca elekto de la historia kaj kultura tradicio de Ĉinio kaj postulo de realigo de ĝia moderniĝo, kaj tion decidis la socialisma sistemo de Ĉinio. Ĉinio volas klopodi kune kun popoloj de mezaziaj landoj, inkluzive de Uzbekio, por akceli pacon kaj disvolvon kaj konstrui kune prosperan kaj harmonian mondon.