Lastatempe okazis en Xi’an, ĉefurbo de Shaanxi-provinco, “Simpozio pri Protektado de Pando en Qinling-montaro”. Respondeculo de la Ŝtata Forstuma Administracio de Ĉinio diris, ke Ĉinio jam sukcesis solvi serion da ŝlosilaj problemoj de pandogenerado. En 2005, oni sukcesis naskigi 18 pandojn, kaj nun 183 pandoj estas bredataj en Ĉinio. En la Esplora Centro por Protekti Pandon en Wolong de Sichuan-provinco en sudokcidenta Ĉinio, la laborantoj jam vivigis ĉiujn novnaskiĝintajn pandidojn en la pasintaj 6 jaroj.

En la unuaj 90-aj jaroj de la 20-a jarcento, Ĉinio komencis “Programon por Protekti Ĉinan Pandon kaj Ĝian Restadejon” kaj konstruis 4 centrojn kaj bazojn por generigi pandon. La areo de restadejoj de pandoj plivastiĝis de 1.4 milionoj da hektaroj al 2.3 milionoj da hektaroj, kaj la nombro de pandoj altiĝis de 1100 en la 2-a tutlanda enketo pri panda nombro al 1596.