La 12-an de junio Li Hui, ministra asistanto de
eksteraj aferoj de Ĉinio, diris en la gazetara konferenco okazinta
en Pekino, ke Ĉinio alte atentas la 6-an Pintan Konferencon de la
Ŝtatestra Konsilio de Membrolandoj de la Ŝanhaja Kunlabora Organizo
(ŜKO), kaj ĉiuj preparaj laboroj pri la konferenco estas pretaj.
Li konigis, ke ĉi-foja konferenco ĉiuflanke retrorigardos
kaj resumos atingojn kaj spertojn de ŜKO, kaj esploros kaj decidos
direkton kaj rimedojn de disvolviĝo de la organizo en la estonteco.
Li Hui diris, ke ŝtatestroj de membrolandoj de ŜKO, inkluzive de
ĉina prezidanto Hu Jintao ĉeestos la konferencon. Dum la konferenco
ili vaste interŝanĝos opiniojn pri disvolviĝo de la organizo kaj
aliaj komune zorgataj gravaj internaciaj kaj regionaj problemoj.
Ili ankaŭ subskribos kaj publikigos deklaracion, kiu estas resuma
politika dokumento de la pinta konferenco.
Li Hui diris, ke kontraŭterorisma milita ekzercado de
ŜKO helpas protekti regionajn pacon kaj stabilecon. En la estonteco,
ŜKO regule okazigos kontraŭterorisman ekzercadon por pluapaŝe protekti
regionajn pacon kaj stabilecon.
Li Hui diris ankaŭ, ke ŜKO alte atentas kunlaboron kontraŭ
narkotaĵo kaj pluapaŝe faros kunlaboron en tiu kampo kun Afganio.
|