Ĝis la 12-a de junio, 188 ĉinaj alkoj naskiĝis dum ĉi-jara genera periodo en la Ŝtata Ĉin-alka Natura Rezervejo de Dafeng, Jiangsu-provinco en orienta Ĉinio, do tie jam nombriĝas 1007 ĉinaj alkoj. Nun Ĉinio jam havas pli ol 2000 ĉinajn alkojn. Pro tio ĉina alko estis forstrekita el la listo de la pereontaj animaloj de la mondo.

Nun, ĉinaj alkoj en Ĉinio ĉefe vivas en rezervejoj de Jiangsu-provinco, Pekino kaj Hubei-provinco. Krome, ankaŭ ekzistas bazoj por ĉinaj alkoj en Henan-provinco kaj Taizhou de Jiangsu-provinco.

Specialisto Ding Yuhua diris, ke post kiam la ĉina alko estis forstrekita el la listo de pereontaj animaloj, Ĉinio sin okupas ĉefe pri interŝanĝo de sanga heredo de la ĉina alko en la mondo kaj esploro pri ĝia geno por eviti heredan degeneron pro endogamio.