La 14-an de junio, ĉina prezidanto Hu Jintao kune kun la ŝtatestroj de Kazaĥio, Kirgizio, Rusio, Taĝikio kaj Uzbekio plantis en Ŝanhajo blankan magnolion por memori la 5-an datrevenon de la fondiĝo de la Ŝanhaja Kunlabora Organizo (ŜKO). Blanka magnolio estas urbofloro de Ŝanhajo.

Plantinte tiun arbon, la 6 ŝtatestroj intervidiĝis kun reprezentantoj de la ĵus fondita Entreprenista Komitato de Ŝanhaja Kunlabora Organizo (EKŜKO) kaj faris parolon. Hu Jintao diris, ke ĉe la 5-a datreveno de la fondiĝo de ŜKO, entreprenistoj de ĉiuj membrolandoj diskultis en Ŝanhajo pri akcelo de regiona ekonomia kunlaboro, tio estas grava afero por la disvolviĝo de ŜKO. La fondiĝo de EKŜKO prezentis tre bonan platformon de komunikado, interŝanĝo kaj kunlaboro por entreprenoj de ĉiuj membrolandoj. La ŝtatestroj gratulis pro la fondiĝo de EKŜKO kaj esperis, ke la entreprenistoj de la membrolandoj aktive kunlaboros por akceli ekonomian prosperon de la regiono.