La 14-an de junio, en la industria kaj komerca forumo kaj fondiĝa konferenco de entreprenista forumo de la Ŝanhaja Kunlabora Organizo (ŜKO) ĉina ŝtata konsilanto Tang Jiaxuan diris, ke la regiona ekonomia kunlaboro de ŜKO eniris en novan etapon, kaj oni esperas, ke sur tiu bazo, industriistoj kaj komercistoj de membrolandoj kune kreos belan estontecon de ŜKO.

Tang Jiaxuan diris ankaŭ, ke ekonomia kaj sekura kunlaboroj estas kiel du radoj antaŭenpuŝantaj senĉesan disvolviĝon de ŜKO. Li montris, ke la ĉina registaro alte atentas kaj aktive partoprenas ekonomiajn kunlaborojn de la organizo kaj volas pliintensigi kunlaboron kun ĉiuj membrolandoj por realigi kunan prosperon.