“Mi esperas ke mi povos iri Tibeton per trajno kaj viziti memorstupaon de la 10-a Banchen Erdini en Xigazê.” Tion diris la patrino de la forpasinta 10-a Banchen Erdini, kiam ŝi sciis, ke la Qinghai-Tibeta Fervojo ekfunkcios en la 1-a de julio.

Ŝi estas 90-jara kaj loĝas en Xining, ĉefurbo de Qinghai-provinco de okcidenta Ĉinio. Ŝia lasta vizito al la memorstupao estis en 2001. Poste ŝi ne plu faris tion pro la maljuneco, ne povante elteni la longan veturadon per aviadilo aŭ aŭto. “Trajno estas stabila kaj komforta. Se eble, mi iros al Lhasa per trajno, kaj poste al Xigazê per aŭto,” ĝoje diris la avino.

La 10-a Banchen Erdini forpasinta en 1989 estis religia estro kaj havas gravan pozicion inter la tibet-naciaj religiuloj. Ĉiujare 10 mil homoj de ĉiuj lokoj de Ĉinio venis viziti lian iaman loĝejon en Xunhua, urbo de Qinghai-provinco. 77-jara intendanto Jiumei de la loĝejo diris, ke dank’ al la Qinghai-Tibeta Fervojo, viziti la domon fariĝos pli facile por tibetanoj.

La Qinghai-Tibeta Fervojo kun la longeco de 1956 km ligas Xining, ĉefurbon de Qinghai-provinco kaj Lhasa, ĉefurbon de la Tibeta Aŭtonoma Regiono.