Huludao estas havenurbo en nordorienta Ĉinio. Japanio kapitulacis en 1945 kaj 1.05 milionoj da japanoj estis resenditaj hejmlanden en Huludao de majo de 1946 ĝis 1948. La evento estas humanisma agado post la Dua Mondmilito kaj montras grandan humanecon kaj indulgemon de la ĉina popolo.

La 25-an de junio, forumo de la 60-a datreveno de Hejmeniro de Miliono da Japanoj kaj Perspektivo de Ĉina-japanaj Rilatoj estis okazigita de la Ĉina Popola Asocio por Amikeco kun Fremdaj Landoj, kaj 500 ĉinoj kaj japanoj ĉeestis la forumon. Ĉina ŝtata konsilanto Tang Jiaxuan kaj japana eksĉefministro Tomiichi Murayama partoprenis en la inaŭguro. Tang faris parolon “Ĉerpi lecionon el la historio, alfronti estontecon kaj akceli la amikecon inter Ĉinio kaj Japanio”.

Tang diris, ke antaŭ 60 jaroj la ĉina popolo terure suferis vundon kaj morton pro la japana militisma agreso al Ĉinio, tamen ĝi helpis la japanajn enmigrintojn reveni hejmen de Huludao, kaj la loko fariĝis “stacio de vivo” de japanaj enmigrintoj post la milito. Oni ne povas ŝanĝi la malfeliĉan historion, sed devas respondeci pri la estonteco, ĉerpi lecionon el la historio, ne ripetigi la tragedion kaj krei belan kaj feliĉan morgaŭon por la posteuloj.

Tomiichi Murayama diris, ke dum la milito de japana agreso al Ĉinio, Ĉinio, inkluzive de Huludao, suferis tretadon de japana militismo, tamen la ĉina popolo zorgis la japanajn enmigrintojn en Ĉinio kaj resendis ilin hejmen, kaj Huludao fariĝis amikeca ponto inter Ĉinio kaj Japanio. La grandanimeco kaj humaneco de la ĉina popolo kortuŝis la japanan popolon, kaj ili sentis profundan amikecon de la ĉina popolo al la japana. Nun la plej grava estas, ke Japanio bone traktu la rilatojn kun Ĉinio, profundigu la interkomprenon kaj establu harmoniajn kunlaborajn rilatojn de la du landoj.