La 25-an de junio, ĉina ĉefministro Wen Jiabao revenis al Pekino post la vizito al Egiptio, Ganao, Kongolo (Brazavila), Angolo, Sud-Afriko, Tanzanio kaj Ugando.

Dum la vizito Wen Jiabao interŝanĝis kune kun diverslandaj gvidantoj opiniojn pri profundigo de duflankaj rilatoj kaj disvolvo de novtipaj strategiaj partneraj rilatoj inter Ĉinio kaj Afriko, kaj atingis serion da komunaj konoj. Ĉinio subskribis kun la 7 afrikaj landoj 71 kunlaborajn interkonsentojn, kiuj koncernas politikon, ekonomion, komercon, infrastrukturon, kulturon, edukon, scienc-teknikon kaj aliajn kampojn.

Ĉina eksterafera ministro Li Zhaoxing diris, ke la vizito de Wen Jiabao atingis la celon profundigi amikecon, akceli reciprokan fidon kaj vastigi kunlaboron por kuna disvolviĝo, kaj naskos profundan influon al disvolviĝo de la rilatoj inter Ĉinio kaj Afriko en la nova periodo.