La 28-an de junio ĉina ĉefministro Wen Jiabao kaj aŭstralia ĉefministro John Howard kune ĉeestis en Shenzhen, urbo de Guangdong-provinco en suda Ĉinio ceremonion por startigi la unuan naturgasan kunlaboran programon de Ĉinio kaj Aŭstralio.

Laŭ kontrakto Aŭstralio provizos Ĉinion ĉiujare en la venontaj 25 jaroj per 3.3 milionoj da tunoj da likvigita naturgaso. Wen Jiabao proponis, ke la du landoj plivastigu sian kunlaboron pri mineralaj riĉfontoj, nova fuelo, sekura produktado en karbominejo kaj similaj, disvolvu kunlaboron pri paca utiligo de nuklea energio kaj pri uranio, altigu nivelon de la ekonomia kaj komerca kunlaboro kaj aktive antaŭenpuŝu intertraktadon pri liberkomerca interkonsento.

John Howard diris, ke Aŭstralio volas plue klopodi kune kun Ĉinio por pliintensigi kunlaboron en la kampoj de ekonomio, komerco, fuelo kaj aliaj, aktive antaŭenpuŝi intertraktadon pri liberkomerca interkonsento kaj akceli kunan disvolviĝon de Aŭstralio, Ĉinio kaj la azi-pacifika regiono.