Prezidanto de la Tibeta Aŭtonoma Regiono Qiangba Punco diris en
gazetara konferenco en Lhasa, ke post ekfunkcio de la Qinghai-Tibeta
Fervojo, vojaĝantoj svarmas al Tibeto, tamen tio ne donos gravan
influon al la medio de la regiono.
Laŭ antaŭkalkulo, ĉiutage ĉirkaŭ 5000 vojaĝantoj kaj
komercistoj venos al Tibeto per fervojo, aviadilo kaj ŝoseo. Inter
ili malmultaj fikse enloĝiĝos en Tibeto. Tial ne multe kreskos la
nombro de tibeta loĝantaro kaj tio ne kaŭzos grandan premadon al
la tiea medio.
Li diris, ke la ĉina registaro prenas serion da rimedoj
por protekti la ekologian medion en Tibeto, inkluzive de konstruado
de ŝtata sekuriga ŝirmilo sur la Tibeta Altebenaĵo, kun la investo
de 38.7 miliardoj da juanoj (ĉ. 8 juanoj = 1 usona dolaro).
|