La 6-an de aŭgusto Ĉinio restarigis la diplomatiajn rilatojn kun Ĉadio. Ĝis nun Ĉinio jam starigis kun 169 landoj la diplomatiajn rilatojn.

Vespere de la 6-a de aŭgusto Li Zhaoxing, ĉina eksterafera ministro, kaj Ahmad Allam-mi, ĉada ministro de eksteraj aferoj kaj integrigo de Afriko, subskribis en Pekino la Komunan Komunikon de Ĉinio kaj Ĉadio pri Restarigo de la Diplomatiaj Rilatoj.

Poste la dulandaj ministroj interŝanĝis opiniojn pri ambaŭflankaj interrilatoj kaj pri internaciaj kaj regionaj problemoj kune zorgataj.

La du landoj starigis la diplomatiajn rilatojn en la 28-a de novembro, 1972. Sed en la 12-a de aŭgusto, 1997, la ĉada registaro restarigis la tiel nomatajn diplomatiajn rilatojn kun Taiwan, malobservante la principon de la komuna komuniko de Ĉinio kaj Ĉadio pri starigo de la diplomatiaj rilatoj. En la 15-a de aŭgusto de la sama jaro la ĉina registaro deklaris ĉesigi la diplomatiajn rilatojn kun Ĉadio.