Lastatempe fotografisto Feng Xuemin, loĝanta en Japanio, ekspoziciis siajn verkaĵojn “Nostalgio — Vojaĝo en Ĉina Kulturo” en la centra oficejo de UN. Vicĝeneralaj sekretarioj Chen Jian, Anwarul Chowdhury kaj aliaj altaj oficistoj de UN, kaj pli ol 100 delegitoj kaj vicdelegitoj de ĉ. 20 membrolandoj partoprenis la malfermon.

Liu Zhenmin, vicdelegito de Ĉinio al UN, diris en la malfermo, ke la verkaĵoj de Feng Xuemin montras la disvolviĝon de multnacia kulturo de Ĉinio kaj la vivon de la ĉina popolo. Li esperas, ke la ekspozicio povos esti ponto kunliganta popolojn de landoj kun malsamaj kulturoj.

Anwarul Chowdhury alte taksis la agadon de Feng, kiu multjare loĝas eksterlande, sed ankoraŭ profunde zorgas kaj sopiras sian hejmlokon pere de siaj fotaĵoj. Li anoncis, ke UN okazigos pli da ekspozicioj prezentantaj diversajn facetojn de ĉinaj kulturoj por kreskigi la interkomprenon de la popoloj.

Feng dudekkelkajn jarojn klopodis por la ĉina civilizacio kaj fotografio, kaj ĉifoje 60 fotoj montris la belecon kaj morojn de ĉinaj urbetoj.

En 1985 Feng ekstudis en Japanio, kaj ĝis nun li jam vojaĝis 60 fojojn inter Ĉinio kaj Japanio pro lia arta kreado. Liaj verkaĵoj gajnis aplaŭdon en Japanio, Usono, Kanado kaj Francio.